କମଳା ରଙ୍ଗ
କମଳା ରଙ୍ଗ


ଭୁଲ୍ ଥିଲା ମୋର ସେଇ କେତେ ଦିନର
ବାପାଙ୍କ କଥାକୁ ଯେବେ ମୁଁ କଲି ଅସ୍ବୀକାର ।
ନିଜ ପୁଅ ବୋଲି କେତେ ଯେ ଦେଲେ ଜ୍ଞାନ
ସେଇ ଜ୍ଞାନକୁ ସେ ସମୟେ ମୁଁ କଲି ଅପମାନ ।
ସମୟ ଆସିଲା ଆଜି ସୁଧାରିବାକୁ
ଦଣ୍ଡର ବଦଲେ ମୁଁ ବଦଳାଇବି ନିଜକୁ ।
ଖୋଲିବି ମୋର ସେଇ ସୃଜନଶୀଲତା
ଜାଳିବି ଜୀବନେ ମୋର ଏକ ନୂଆ ସଳିତା ।
ଉତ୍ସାହରେ ଆଜି ମାନିବି ହୋଲି ଦିନ
ପୁରଣ ହୋଇଛି ଆଜି ମୋର ସବୁ ସପନ ।
ପିତା ମାତା ମୋହର ଜିଅନ୍ତା ଦେବତା
ତାଙ୍କ ବିନା ଜୀବନରେ ଲାଗେ କେତେ ଶୂନ୍ୟତା ।
ବୋଳିଦେବି ରଙ୍ଗ ଧରି ତାଙ୍କ ମୁଖରେ
ଆଶିଷରେ ଘେନିନେବି ସବୁ ନୀତି ଶିକ୍ଷାରେ ।
କମଳା ରଙ୍ଗକୁ ଅତି ଆଦରେ ନେଇ
ଗାଲରେ ମଖେଇ ଦେବି ଅତି ଭଦ୍ରତା ହୋଇ ।