ଆହେ ଚକାଆଖି

ଆଉ କେତେ ଦିନ ଚୁପ୍ ବସିବୁ ରେ

ବଡ ବଡ କରି ଆଖି 

ଅପଲକ ନେତ୍ର ପଲକ ପଡେନି 

ତଥାପି ପାରୁନୁ ଦେଖି। 

ନିରବେ ବସିଛୁ ରତ୍ନ ସିଂହାସନେ 

ତ୍ରାହି ତ୍ରାହି ଡାକେ ଜନ ଏଠି 

ଚକାଆଖି...ଆହେ ଚକାଆଖି 

ଚକାଆଖି ...ଆହେ ଚକାଆଖି। 

ଜାଣିଛିରେ ତୁ ତ ଛଳିଆ କାଳିଆ 

ଛଳନା କି କରୁ ଆଉ

ଗୋପନରେ କି ତୁ ଲୀଳା ଲଗାଇଛୁ 

ଦିନୁଦିନ ବଢେ ଭାଉ

କେବେ ତୁ ଆସିବୁ କରୋନା ନାଶିବୁ 

ଦୁଃଖୀ ମରେ ଆଜି କାନ୍ଦି କାନ୍ଦି 

ଚକାଆଖି ....ଆହେ ଚକାଆଖି 

ଚକାଆଖି ....ଆହେ ଚକାଆଖି। 

କଅଁଳ ଶିଶୁଟି ରଡି ଛାଡୁଥାଏ 

ମା'ଦିଏ ତା' ଆଖିବୁଜି

ଭେଣ୍ଡାପୁଅ ଦେଖ ଛାଡି ଚାଲିଯାଏ 

ମା'କାନ୍ଦେ ତା' ମଥାପିଟି 

କୁହରେ କାଳିଆ ନୁହେଁ କି ଅନୀତି 

ତୁହିଁ ବସି ଥାଉ ଥାଉ ଏଠି 

ଚକାଆଖି ....ଆହେ ଚକାଆଖି 

ଚକାଆଖି ....ଆହେ ଚକାଆଖି। 

ହେ ଜଗନ୍ନାଥ ତୁମ ସୃଷ୍ଟିକୁ ତୁମେ ରକ୍ଷାକର