ସୁରକ୍ଷା
ସୁରକ୍ଷା
କଥାସବୁ ଶୁଣିବାକୁ ଭାରି ଭଲ
କାମ ଯଦି ଭିନ୍ନ ବିପରୀତ
ଇଚ୍ଛାମାନେ ଦଉଡିବେ ଘୋଡା ପରି
ଦୁଃଖ ଭାର ହେବ ଅପ୍ରମିତ ।
କଣ୍ଟକିତ ଚଲାପଥ ସୁକର୍ତ୍ତବ୍ଯ
କର୍ମଧର୍ମ ଜୀବନ ନିର୍ବାହ
ଦୁନିଆଁରେ ସର୍ବଶ୍ରେଷ୍ଠ ମୁଁ ବୋଲି
ଦାବୀ କରେ ମଣିଷ ପାଷାଣ୍ଡ ।
ବଢିଚାଲେ ଅହଂକାର ବ୍ଯଭୀଚାର
ଅତ୍ଯାଚାର ଅନୀତି ଅନ୍ଯାୟ
ବଶୀଭୂତ ମାୟାମୋହ କ୍ଷମତା କନ୍ଦଳେ
ସ୍ବାର୍ଥାନ୍ଧଙ୍କ ତୁଟେନାହିଁ ଅହଂ ।
ନାଶ ହୁଏ ସୁଖ ଶାନ୍ତି ଆଜୀବିକା
ବୃଦ୍ଧି ହୁଏ ପୁଞ୍ଜି ପରବତ
ଡହଳବିକଳ ହୁଏ ବିଚରା ଗରୀବ
ବାସଚ୍ୟୁତ ହୁଏ ମଧ୍ଯବିତ୍ତ ।
ବଢାଉ ମର୍ଯ୍ଯାଦା ସୀମା ମାନବ ସମ୍ବଳ
ସ୍ୱଚ୍ଛନ୍ଦତା ହେଉ ଅବିମୁକ୍ତ
ପ୍ରବହୁ ଜୀବନ ସ୍ରୋତ ନିଶ୍ବାସ ପ୍ରଶ୍ବାସ
ବ୍ଯକ୍ତି ନାକ ରହୁ ସୁରକ୍ଷିତ।