ନୂଆ ଆଶା ନୂଆ ଦିଶା

ନୂଆ ବର୍ଷ ନୂଆ ଭାବନା ଆଣିଛି

       ସ୍ୱାଗତିକା ଗାଇ ତାର

ବିଦାୟ ତ ଦେବା ବିଗତ ବର୍ଷ କୁ

       ବିଧି ର ବିଧାନ ସାର।

ଆଜି କଥା କାଲି ନ ଥିବ ହେ ଭାଇ

        ପରିବର୍ତ୍ତନ ସୁଅରେ

 ସୁନ୍ଦର ମନ୍ଦିର ଏ ଆମ ଶରୀର

        ଗଢା ହୁଏ ସଂଯମରେ।

ଦିନ ବହି ଯିବ ସମୟ ବାଟରେ

        ବୟସ ଖସିବ ଧୀରେ

ସତ୍ୟ ଶାନ୍ତି ପଥେ ଚଳୁ ଥିଲେ ନିତ୍ଯ

         ପ୍ରାରବ୍ଧ ଘୁଞ୍ଚିବ ବାରେ।

ନିଜ ଆଚରଣ ନିଜ ଉଚ୍ଚାରଣ

          ଜଗି ଚଳୁ ଥାଏ ଯିଏ

ବିଶ୍ଵ ବିହାରୀ ଙ୍କ ଆଶିଷ ଲଭଇ

          ନୂଆ ବର୍ଷ କହି ଦିଏ।

ନୂତନ ବର୍ଷ ର ନୂତନ ବାରତା

         ଗ୍ରହଣ କରି ସକଳ

ସମାଜେ ଚଳିବା ସୁଧାର ଆଣିବା

        ସାହା ହେବେ ଆଦି ମୂଳ।