ମାଆ ତାରିଣୀ

ମାଆ ତାରିଣୀ ଦୁଃଖ ହାରିଣୀ

ଭକତି ମୋର ନେଏ,

ସୁଦୟା ବହି ଅନ୍ତରେ ଥାଇ

ସlହସ ଦେଇ ଦେଏ l

କେତେ ଦୁଃଖରେ ଭକତ ଝୁରେ

ଆଡ଼ ଆଖିରେ ଚାହାଁ

ତୋବିନା ନାହିଁ ଜଣେଲୋ କେହି

କହିବୁ ଦୁଃଖ ଯାହା l

ଦିନକୁ ଦିନ ଘୋର ଦୂଷଣ

ସଂସାରେ ହୁଏ ଉଭା,

କହଲୋ ମାଆ ତତେକି ଏହା

ସତେ ପାଉଛି ଶୋଭା l

ଦେବି ମନ୍ଦାର ନଡ଼ିଆ କ୍ଷୀର

ସୁଦୟା ବହି ଥାଆ

ଜଗତ ଜନେ ସୁଖରେ ମନେ

ହୁଅନ୍ତୁ ଦାଣ୍ଡେ ଠିଆ l

ଏହି କରୁଣା ନକର ଊଣା

ମାଗୁଣି ଶୁଣ ବାରେ,

ବାରୁଦ ଭୟ କରତୁ ଥୟ

ଶାନ୍ତି ଫେରୁ ବିଶ୍ୱରେ l