କରୁଣା କର
କରୁଣା କର
ଚରଣେ ଶରଣ ରହୁଛି ଛାମୁହେ
ଏତିକି କରୁଣା କରିବୁ ,,
ଏ ଜଗତ କେଡ଼େ ବଡ଼ ସତେ ଆହା
ତା'ମଧ୍ୟେ ଜାତି ରଖିବୁ l
ମୋ ଗାଁ ମାଟି ମୋ ଜାତି ଭାଇଟି
ସରବେ ତୋହର ସନ୍ତାନ
ସର୍ବେ ଆମ୍ଭେ ଦାସ ତୋ ଚାରଣେ ବାସ
ପରିବାରେ ଦେବୁ ଜୀବନ l
ନାହିଁ ଲୋଡ଼ା ଆମ ତୁଳିତଳ୍ପ ଶେଯ
ମସିଣା ଖଣ୍ଡିଏ ଲୋଡ଼ା,,
କରୁଣା ବରଷା ଅନ୍ତଃ ସ୍ନାନ ପାଇଁ
ଚାହୁଁନୁ..ବି ହାତୀ ଘୋଡ଼ା l
ପିଲା ଛୁଆ ଯେତେ ଉତ୍କଳ ମାଟିରେ
ସଭିଏଁ ଔରଷୁ ତୋହର,,
ନିଜ ଜନ୍ମ ଛୁଆ ହୁଅନ୍ତୁ ଆଗୁଆ
ଏଣିକି ତୋହର ବିଚାର l
ଖଳ ଅଳସୁଆ ନ କରିବୁ ସ୍ୱାମୀ
କର୍ମଠ ବେଭାରେ ରଖି,,
ତାଙ୍କ କଲା କର୍ମ ହେଉ ତୋର ଧର୍ମ
ରହିଲୁ ମୋ ରାଜ୍ୟ ସାକ୍ଷୀ l
ସଦା ଶାନ୍ତି ସୁଖ ଏ ଦେଶେ ବିରlଜୁ
ଶତ୍ରୁ ସୈନ୍ୟ ହେଉ କ୍ଷୟ,,
ପ୍ରତ୍ୟେକ ମାନବ ଅନ୍ତଃ ସ୍ୱରେ ଘୋସୁ
ଜୟ ଜଗନ୍ନାଥ ଜୟ l