Library
Profile
ବନ୍ଦେ ଶ୍ରୀଗଜ ବଦନ ଶ୍ରୀବିନାୟକଙ୍କ
ବନ୍ଦେ ଶ୍ରୀଗଜ ବଦନ ଶ୍ରୀବିନାୟକଙ୍କ
ଘଣ୍ଟ ବାଦ୍ୟ କର ତାଳେ ପୁଷ୍ପାଞ୍ଜଳି ମନ୍ତ୍ର ଧ୍ୱନୀରେ,
ପ୍ରଣତି ଜଣାଇ ଆବାହନ କରେ
ବୁଦ୍ଧି ବିଦ୍ୟା ଜ୍ଞାନ ଦେଇ ଗଢ଼ି ତୋଳିବ ନୂତନଦୁନିଆ,
ଖୁସିରେ ରହିବେ ସର୍ବେ ସଂସାରେ |୧|
ଦୁଃଖ ନାଶକାରୀ ଲମ୍ବୋଦର ଗିରିଜା ନନ୍ଦନ
ସଙ୍କଟ ମୋଚନ ଅମ୍ବିକା ନନ୍ଦନ
ନୈବେଦ୍ଯ ଘେନ ମୋର, ଦୂର କର ସର୍ବ ବିଘ୍ନ
ମୋତେ ପଥ ଦେଖାଇଣ |୨|
ବନ୍ଦେ ବିନାୟକ ଜନ୍ମ ହୋଇଥିଲ ଆଜ
ଭାଦ୍ରବ ମାସର ଶୁକ୍ଳ ଚତୁର୍ଦ୍ଦଶୀ ଦିନ
ନମସ୍ତେ ନମସ୍ତେ ସ୍ତୁତି କରେ ମୁହିଁ, ଲମ୍ବୋଦର
ମହାକାୟ ଆହେ ତ୍ରିନୟନ |୩|
ଜ୍ଞାନର ଆଲୋକ ଦେଇ ଅଜ୍ଞାନକୁ ଦୂରକରି
ଭରି ଦିଅ ସଦବୁଦ୍ଧି ଜ୍ଞାନ ବିଦ୍ଯାର ଭଣ୍ଡାର<
/p>
ରୋଗ ବ୍ଯାଧି କରି ଦୂର, ସୁଖର ଜଳାଧାର ଢାଳିଦିଅ
ଆହେ ଜ୍ଞାନର ଭଣ୍ଡାର ଲମ୍ବୋଦର |୪|
ମୋର ନିବେଦନ, ଅଗ୍ରପୂଜ୍ୟ ବିଘ୍ନ ବିନାଶକ
ଗଣପତି ଗଜାନନ ପାର୍ବତୀ ନନ୍ଦନଙ୍କୁ
ସତ୍ୟ ଧର୍ମ ନ୍ଯାୟ ପଥେ ମୋତେ ନେଇଯାଅ,
ଚିହ୍ନେଇ ଦିଅ ମୋତେ ସବୁ ପକ୍ଷପାତୀଙ୍କୁ |୫|
ଚେହେରା ଦେଖାଇ ଦିଅ ମିଷ୍ଟଭାଷୀ ହୋଇ
କୁକର୍ମେରତ ସମସ୍ତ ମିଥ୍ଯାବାଦୀଙ୍କୁ
ସମସ୍ତଙ୍କୁ କହେ ଚୋର, ନିଜର କିରତିକୁ ଗାଏ ମହାନ,
ସେହି ଅଧମ ଅନ୍ୟାୟୀଙ୍କୁ |୬|
ହେ ଗଣେଶ ସିଦ୍ଧି ଦାତା କରେ ମୁହିଁ ଅଧମ
କରଯୋଡ଼ି ମିନତି,
ହସ ଖେଳାଇ ସବୁରି ମୁହଁରେ ଘୁଞ୍ଚାଇ ଦିଅ
ସମାଜରେ ଥିବା ସବୁ ବିପତ୍ତି |୭|
