ବିଶ୍ବ ପରିବେଶ ଦିବସ

ବିଶ୍ବ ପରିବେଶ ପ୍ରଦୂଷଣମୟ

ଜୀବନ ସଙ୍କଟପୂର୍ଣ୍ଣ 

ବଢୁଛି ବାୟୁରେ ଅଙ୍ଗାରକ ଅମ୍ଳ 

କମିଯାଏ ଅମ୍ଳଜାନ ।

ଭୂପୃଷ୍ଠ ଭୂନିମ୍ନ ଜଳ ହୁଏ ଶୁଷ୍କ 

ବରଷା ଅନିୟମିତ 

କଳ କାରଖାନା ଯାନବାହାନରୁ

ନିର୍ଗମେ ବାଷ୍ପ ବିଷାକ୍ତ ।

ଗ୍ରାସେ ଜୀବନକୁ ରୋଗ ମହାମାରୀ

ପ୍ରାକୃତିକ ଦୁର୍ବିପାକ 

ଦାୟୀ ଏଥିପାଇଁ କେବଳ ମଣିଷ

ଅବିଚାର ଅବିବେକ ।

ଶତ ପ୍ରତିଶତ ଅଙ୍ଗାର ଅମ୍ଳକୁ

ଅବଶୋଷେ ଯେଉଁ ଗଛ

 ଅତି ଉପକାରୀ ପ୍ରାଣବାୟୂଦାୟୀ

ଅଟଇ ତାହା ଅଶ୍ବସ୍ତ ।

ମୂଳେ ତାର ବ୍ରହ୍ମା ତ୍ବକରେ ଶ୍ରୀବିଷ୍ଣୁ

ଶାଖାରେ ଶିବ ଶଙ୍କର

ପତ୍ରେ ପତ୍ରେ ସର୍ବ ଦେବାଦେବୀ ବାସ

କରୁଥାନ୍ତି ନିରନ୍ତର ।

ନିମ୍ବ ବଟବୃକ୍ଷ ପରିବେଶ ପାଇଁ

ଅତ୍ଯନ୍ତ ହିତକାରକ

ଅବଶୋଷ କିନ୍ତୁ ଫଳଛାୟାଦାୟୀ

ବୃକ୍ଷ ହୁଏ ଅବଲୁପ୍ତ ।

ବିଶ୍ବ ତାପମାନ ପ୍ରଦୂଷଣ ମାତ୍ରା

କରିବାକୁ ନିୟନ୍ତ୍ରଣ 

ବେଳ ଥାଉଁ ଆସ ହୋଇବା ସଜଗ

କରିବା ଚାରା ରୋପଣ ।।