🥦🌹 *ସାଇକେଲ୍*🌹🥦 🥦🌹

ଶୂନ ଗାଡି ମୋତେ କହିଥାନ୍ତି ସର୍ବେ

    ନାଆଁ ମୋର ସାଇକେଲ

ମୋ ପାଇଁ ଦୁର୍ଘଟଣା ହୁଏ ନାହିଁ 

    ଜାଣି ଥାଅ ବିଲଖୋଲ୍ ।

ଦୁଇଗୋଟି ଚକ ଥାଏ ମୋ ଦେହରେ

    ଉପରେ ଗୋଟିଏ ସିଟ୍ 

ମୋ ଉପରେ ବସି ଚଲେଇ ଯେ ଯାଏ

    ଦେଖା ଯାଉଥାଏ ଫିଟ୍ ।

ଛୋଟ ଠାରୁ ବଡ ସମସ୍ତଙ୍କ ପ୍ରିୟ  

    ସଭିଁଙ୍କ ଆଦର ପାଏ

ପୁଅ ଠାରୁ ଝିଅ ସମସ୍ତେ ଚଲାନ୍ତି

    କି ସୁନ୍ଦର ଗଡି ଯାଏ ।

ମୋ ଦେହରେ ଚଢି ସ୍କୁଲ କଲେଜ

   କେତେ ଯାଉଥାନ୍ତି ନିତି

ଏମିତି ବାହନ ଟିଏ ମୁଁ ଜଗତେ

    କେବେବି ହୁଏନି ଇତି ।

ମୋର ଜନ୍ମଦାତା କେତେ ସରାଗରେ

    ତିଆରି କରିଲା ହାତେ

ବିନା ତେଲରେ ମୁଁ ଚାଲୁଛି ରାସ୍ତାରେ

   ଗଳି କନ୍ଦି ବୁଲେ କେତେ ।

ସହର ବାଜାର ପଲ୍ଲୀଠୁ ନଗର

   ସବୁଠି ମୋ ଚର୍ଚ୍ଚା ହୁଏ

ମୋ ପାଇଁ ଲୋକ ଧନ ଅର୍ଜି ଥାନ୍ତି 

   ନିରୋଗ ଶରୀର ପାଏ ।

ବାୟୁ ପ୍ରଦୂଷଣ ମୁକ୍ତ ହୋଇଥାଏ

    ପରିବେଶ ସୁସ୍ଥ ରହେ

ସାଇକେଲ ଅଟେ ସରସ ସୁନ୍ଦର 

    ଯିଏ ଦେଖେ ସିଏ କହେ ।

ଏବେବି ମୋର ଚାହିଦା ରହିଛି 

    ସମସ୍ତେ କିଣନ୍ତି ମୋତେ

ଏଥିପାଇଁ ସ୍କୁଲ୍ ପିଲାଙ୍କୁ ସରକାର 

    ଟଙ୍କା ଦେଇଥାନ୍ତି କେତେ ।

ନାଆଁଟି ମୋହର ସାଇକେଲ ସିନା

     ବିଭିନ୍ନ ରଙ୍ଗର ଥାଏ

ବିଭିନ୍ନ ପ୍ରକାର ନାଆଁ ଦେଇ ନର

     ମୋତେ ସିଏ କିଣି ନିଏ ।

ବାଇକ୍ ଆଇଷ ସରକାର ଏବେ

   କରିଲେ ପନ୍ଦର ବର୍ଷ 

ହେଲେ ମୋ ଆଇଷ ରହିବା ପର୍ଯ୍ୟନ୍ତ 

    ଚଲେଇ ପାରେ ମଣିଷ ।

ମୋ ପାଇଁ ନର ନା ଖର୍ଚ୍ଚାନ୍ତ ହୁଏ

    ନା ହୁଏ ଦୁର୍ଘଟଣା 

ନିର୍ଭୟ ଭାବରେ କରେ ବିଚରଣ

   ନା ଥାଏ କଟକଣା ।

ଏଇ ଯୁଗ ଯେତେ ଆଧୁନିକ ହେଉ

    ମୋର କିବା ଆସେ ଯାଏ

ରହିଛି ରହିବି ମଣିଷ ସହିତ

    ସିଏ ମୋତେ ଭଲପାଏ ।