ଲାଇବ୍ରେରୀ
ପ୍ରୋଫାଇଲ୍
ସ୍ୱପ୍ନର ନାୟିକା
ସ୍ୱପ୍ନର ନାୟିକା
1 min
687
ମୃଗ ପାଇଗଲା ତା ଦେହେ କସ୍ତୁରୀ
ତୁଟିଗଲା ତାର ଭ୍ରମ
ଲାଜ ଭୁଲିଗଲା ଲାଜକୁଳୀ ଲତା
ଜହ୍ନରେ ଲାଗିଲା ଗ୍ରହଣ ।।
ମଙ୍ଗଳ ଗ୍ରହରେ ବରଷିଲା ମେଘ
କନ୍ଦର୍ପ ଭୁଲିଲା ରତିକି
ତୁମ ସୌନ୍ଦର୍ଯ୍ୟରେ ସବୁତ ସମ୍ଭବ
ଆକାଶ ବି ଛୁଏଁ ମାଟିକି ।।
ଇନ୍ଦ୍ରଧନୁ ପୁଣି ହୁଏତ ବେରଙ୍ଗୀ
ସପ୍ତରଙ୍ଗ ପଡେ ଫିକା
ତୁମରି ପାଦରେ ଅଳତା ହେବାକୁ
ଆକାଶକୁ ଦିଏ ଧୋକା ।।
ଜହ୍ନ ଯେ ହରାଏ ରୂପା ରଙ୍ଗ ତାର
ହୋଇଯାଏ ରଂଗହୀନ
ବାଦଲ କୋଳରେ ଢାଙ୍କି ହୋଇଯାଏ
ଦେଖି ତୁମ ଯଉବନ ।।
ରୂପସୀ ତୁମେ ଗୋ ସ୍ୱର୍ଗର ଅପ୍ସରୀ
ତୁଳନା ନାହିଁ ତୁମର
ତୁମେ ମୋ ପ୍ରେମିକା ସ୍ୱପ୍ନର ନାୟିକା
ସ୍ପନ୍ଦନ ଏ ହୃଦୟର ।।
