ପ୍ରେମ ଏକତରଫା

ଜାଣେନା କେମିତି ଅବସ୍ଥାନ କଲ

ହୃଦୟର  ଜଉଘରେ

ଛନ୍ଦ ଭୁଲିଗଲା  ଛାତିର ସ୍ପନ୍ଦନ

ପଡିଲା ବୋଧେ ପ୍ରେମରେ

ପ୍ରଥମ ଦେଖାରେ ସାଜିଲି ପୂଜକ

ତୁମ ପ୍ରେମ ମନ୍ଦିରର

ଦେବୀଟିଏ କରି ତୁମକୁ ରଖିଲି

ସାଜି ମୁଁ ନିଃସ୍ୱାର୍ଥପର 

ନିଶ୍ୱାସ ଚାଲିଲା ତୁମରି ନାମରେ

ପ୍ରଥମ ସକାଳ ତୁମେ

କହି ପାରିଲିନି ଓଠ ଖୋଲି ସାଥି

ପଡିଛି ମୁଁ ତୁମ ପ୍ରେମେ 

ଜଳି ମରୁଥିଲି ଅକୁହା କଥାକୁ

ଛାତିରେ ଜାବୁଡି ରଖି

ନିର୍ଜନ ରାତ୍ରିରେ ଲେଖି ଚିରୁଥିଲି

ହଜାରେ ଚିଠି ମୁଁ ସଖି 

ସାହସ ସଞ୍ଚାରି କରିବାକୁ ଗଲି

ଯେବେ ପ୍ରେମ ନିବେଦନ

କହିବା ଆଗରୁ ଜାଣିଲି ତୁମେ ଗୋ

ସାଜିଛ ଆଉକା ପ୍ରେମ

ରକ୍ତରେ ଭିଜିଲା ରକ୍ତ ଗୋଲାପଟା

ଲୁହରେ ମୁଦା ଲଫାପା

ସେଇ ଦିନଠାରୁ ବିରହୀ ପ୍ରେମୀ ମୁଁ

ପ୍ରେମ ମୋ ଏକତରଫା