ପ୍ରେମ ରାଜନୀତି

ଗଢ଼ିବା ଗୋ ଆସ ପ୍ରେମ ପରିଷଦ

ଦୁଇ ହୃଦୟକୁ ନେଇ

ପ୍ରେମ ମନ୍ତ୍ରୀ ରୂପେ ରଖିବି ତୁମକୁ

ଜୟଯୁକ୍ତ ମୁଁ କରାଇ  ।।

ସରକାର ହେବ ଏ ମନ ରାଜ୍ୟରେ

ହେବନାହିଁ ପରାଜିତ

ପାଞ୍ଚବର୍ଷ ନୁହେଁ ସାତଜନ୍ମ ପାଇଁ

ତୁମେ ହେବ ନିର୍ବାଚିତ ।।

ଲୋଡ଼ିବିନି କେବେ ଯୋଗ୍ୟତା ତୁମର

ହେବାକୁ ପ୍ରେମ ପ୍ରାର୍ଥୀନୀ

ଅନାସ୍ଥା ପ୍ରସ୍ତାବ ଦେବିନାହିଁ କେବେ

ଭୁଲ୍ କେବେ ବୁଝିବିନି ।।

ପ୍ରଶ୍ନ କରିବେନି ବିରୋଧୀ ତୁମକୁ

କରିବେ ଗୋ ସମର୍ଥନ

ପ୍ରଣୟନ ହେବ ପ୍ରେମନୀତି ସାଥେ

ନୂଆଁ ପ୍ରେମ ସମ୍ବିଧାନ ।।

ଦାୟିତ୍ୱ ନେବ ଗୋ ସବୁ ବିଭାଗର

ଆଇନ ରାଜସ୍ବ ଅର୍ଥ

ରହିବେନି କେହି ପ୍ରେମ ପ୍ରତିଦ୍ୱନ୍ଦୀ

ରହିବନି କିଛି ସର୍ତ୍ତ ।।