ସ୍ୱାସ୍ଥ୍ୟ ହିଁ ସମ୍ପଦ
ସ୍ୱାସ୍ଥ୍ୟ ହିଁ ସମ୍ପଦ
1 min
365
ବଢାଅ ନାହିଁ ହାତରେ ନଖ
ଆଣଇ ରୋଗ ଡାକି
ରହେ ମଇଳା କେତେ ଜୀବାଣୁ
କ୍ଷତିକାରକ ଅତି ।
ଖାଇବା ଆଗୁ ସାବୁନ୍ ମାରି
ହାତକୁ ସଫା କର
ଅସନା ହାତେ ଖାଦ୍ୟ ଗ୍ରହଣ
ଅଟେ ଅହିତକର ।
ଲେଞ୍ଜରା ପୋଛ ସଫା ରୁମାଲେ
ଆଖିର ନିଅ ଯତ୍ନ
ମଇଳା କାଢି ପକାଅ ତେଲ
ଭଲ ଶୁଣିବ କାନ ।
ନାକରୁ ବହେ ଗଙ୍ଗା ଯମୁନା
ହେଲେ ସରଦି ଥଣ୍ଡା
ଶୀତ କାକରେ ବୁଲନି ବେଶୀ
ଖାଅନି ବାସି ସଢା ।
ସ୍ୱାସ୍ଥ୍ୟ ଅଟଇ ବଡ଼ ସମ୍ପଦ
ଅନ୍ୟ ଦରବ ତୁଚ୍ଛ
ଲାଗେନା ଭଲ କିଛି କଥାରେ
ଖରାପ ଥିଲେ ସ୍ୱାସ୍ଥ୍ୟ ।