ସ୍ୱାଧୀନତା ଆମର

ମସ୍ତକେ ଯାହାର ହୀରାର ମୁକୁଟ

ହିମାଳୟ ହୋଇ ପାଉଛି ଶୋଭା,

ଅହରହ ଧୋଉଛି ଯାହାର ପାଦ

ନୀଳ ସାଗର

କେତେ ମୁନୀ , ଋଷି 

କେତେ ମହାରଥୀ

ଯା କୋଳେ ଜନମ ନେଲେ ,

ଯା ହୃଦେ ଭରିଛି

କେତେ ଦେବା ଦେବୀର ଆସ୍ଥାନ ,

କେତେ ନଦ ନଦୀ

ଗଙ୍ଗା , ଯମୁନା ,ସରସ୍ୱତୀ ଧାର

ସେଇ ମୋର ମାଆ

ଯା କୋଳେ ଜନମ ଲଭିଛି ମୁଁ ,

ମୋ ଭାରତ ମାତା ।

ଦୀର୍ଘ ଦିନର ଇଂରେଜ ଶାସନର

ଘଟିଥିଲା ଅବପତନ ,

ସେ ମହାନ ଦିନ

ପନ୍ଦର ଅଗଷ୍ଟ ଉଣେଇଶ ସତଚାଳିଶ ମସିହାରେ ,

ଭାରତ ମାତାର ମୁକ୍ତି

ଇଂରେଜ ଶାସନରୁ ,

କେତେ କ୍ରାନ୍ତିବୀର

ପ୍ରାଣ ଦେଇ ଦେଶ ପାଇଁ ,

ନାନା ଆନ୍ଦୋଳନେ

ସ୍ୱାଧୀନ କରାଇ ଦେଶ

ହୋଇଲା ଆମର ।

ଏହି ବର୍ଷ

ପଚସ୍ତରୀ ତମ ଆଜି ସ୍ୱାଧୀନ ଦିବସ ,

ନେବାରେ ଶପଥ ଆମେ

ଅନ୍ୟାୟ କରିବା ନାହିଁ !

ସୁବର୍ଣ୍ଣ ସ୍ୱାଧୀନ ଭାରତ ,

କାଶ୍ମୀରରୁ କନ୍ୟାକୁମାରୀ

ଶାନ୍ତି , ମୈତ୍ରୀ ,ପ୍ରୀତି , ଐକ୍ୟ

ଜାତି , ଧର୍ମ , ବର୍ଣ୍ଣ

ଏକ ମନ ହେଉ ସବୁ ଭାରତବାସୀର !

ଦେବାରେ ଜୀବନ ଆମେ ମାତୃଭୂମି ପାଇଁ

ଦେଶ ପାଇଁ ସେବା କରି ରଖିବା ମାନ  

ବଜାୟ ରଖିବା ଆମେ ଭାରତର ଏକତାକୁ ।

ନିଜକୁ ରଖି ଅନୁଶାସନରେ

ବୁଝିବାକୁ ହେବ ପୁଣି ପ୍ରକୃତ ସ୍ୱାଧୀନତା ।

ଦେଖିବାକୁ ହେଲେ ନିଜକୁ ଉଚ୍ଚ ସ୍ଥାନରେ

ସମ୍ମାନ କରିବା ଆମେ

ନିଜ ମାଆ ଓ ମାତୃଭୁମିର ।