ଲାଇବ୍ରେରୀ
ପ୍ରୋଫାଇଲ୍
ରୂପ ରୂପାନ୍ତର
ରୂପ ରୂପାନ୍ତର
1 min
244
ତମେ କହିଲ
ଚୂପ ହୋଇ ରହିବା ଶିଖ
ଏତେ ପ୍ରଗଳ୍ଭତା
ଭଲ ଲାଗେନା ତମକୁ
ଚୂପ ହୋଇଗଲି ସେଦିନଠୁ
ଚୂପ କରିଇଦେଲି
ଅଣାୟତ କାଳଜୟୀ ଇଛା ମାନଙ୍କୁ
ସହସ୍ର ଯୁଗରୁ
ମୋ ଭିତରୁ
ରହି ରହି ଶୁଭୁ ଥିବା ପ୍ରତିବାଦ ମାନଙ୍କୁ ।
ଶବ୍ଦଙ୍କ କାନ୍ଧରେ ମୁଣ୍ଡରଖି
ଜିଇଁ ଗଲି କିଛିକାଳ
ତମେ କହିଲ
ଏତେ ପ୍ରବଣତା
ଭଲ ଲାଗେନା ତମକୁ
ମନକୁ ବୁଝେଇଦେଲି
ବୋଲକରା ନିର୍ବୋଧ ଶିଶୁଟେ ପାଲଟିଗଲି ।
କର୍ତ୍ତବ୍ୟର ଦ୍ୱାହି ଦେଇ
ମୋ ପାରିଲାପଣକୁ ବୁହାଇଦେଲା ପରେ
ସମୟର ଉଜାଣି ସୁଅରେ
ଭାଙ୍ଗୁ ଭାଙ୍ଗୁ ଯୋଡି ହୋଇଗଲି...
ଏବେ କହୁଛ
ବୋକୀଟେ
ଠିକରେ ଚାଲି ଶିଖିପାରିଲାନି ।
