ସଂକ୍ରମଣ

ମାଆର କୋଳ ଏବେ ସଂକ୍ରମିତ

ଅଦୃଶ୍ୟ ଶକ୍ତିର ପ୍ରହାର

ଟିକିଏ ନିଃଶ୍ୱାସ ପାଇଁ 

ବିକଳ ଜୀବନ 

ଚୀନ ବାଓଲୋଜିକାଲ ୱେପନ ପ୍ରୟୋଗ କରିଛି 

ତୃତୀୟ ବିଶ୍ୱ ଯୁଦ୍ଧର

ଆହ୍ୱାନ ଦେଇଛି 

ପଡୋଶୀ ଦେଶ

ଓଷ ନାଁରେ ବିଷ ଦେଉଛି

ଗୋଟେ ଆନ୍ତର୍ଜାତୀୟ

ଷଡଯନ୍ତ୍ର ଚାଲିଛି

 ଏବେ ଏବେ ତାଜା ଖବର ଆସିଛି 

ଗଙ୍ଗା ନଦୀରେ ପଚାଶ କି ଶହେ

ଶବ ଭାସୁଛି

ପାଣିରେ ବିଷ

ପବନରେ ବିଷ

ଆଶା ଭରସା ବିଶ୍ୱାସ ରେ ବିଷ

ବିଷର ଜ୍ୱାଳାରେ ଜଳୁଛି ଜଗତ 

ମୃତ୍ୟୁର ତାଣ୍ଡବଲୀଳା

ସାରା ବିଶ୍ୱରେ ହାହାକାର 

କେତେଦିନ ଆତତାୟୀ ଭୂତାଣୁ ଭୟରେ ଗୃହବନ୍ଦୀ ଜୀବନ 

ଏବେ ଆଉ ଭରସା ଦେଇପାରୁନି ମାଆ (ପୃଥିବୀ)ର କୋଳ 

ଅସହାୟ, ଅସୁରକ୍ଷିତ ଅନାଥ ଭଳି

ହନ୍ତସନ୍ତ ଭୂବାସୀ 

ମାଆ ସୁରକ୍ଷିତ ରହୁ

ମାଆ ପୁଣି ଫେରୁ ବରାଭୟ ମୁଦ୍ରାକୁ 

ନିର୍ଭୟ ଆଶ୍ରୟ ସ୍ଥଳୀଟିଏ ହେଉ

ବିଛେଇଦେଇ ତାର ସବୁଜ ପଣତକୁ ||