Library
Profile
ରକ୍ଷା ବନ୍ଧନ
ରକ୍ଷା ବନ୍ଧନ
ଉତ୍କଳୀୟ ପର୍ବ ଗୌରବ ବିଭବ
ଆଦର୍ଶରେ ଉଦ୍ଭାସିତ
ରାକ୍ଷୀ ପୂର୍ଣ୍ଣିମାରେ ପ୍ରୀତିଛବି ଭାସେ
ଭ୍ରାତୃଭଗ୍ନୀ ସଂନ୍ନିହିତ !
ପୁରାଣେ ବର୍ଣ୍ଣିତ ମହା କଥାମୃତ
ଭ୍ରାତୃଭଗ୍ନୀ ପ୍ରୀତିଛବି
ତ୍ରେତୟା ଦ୍ବାପରେ ସତ୍ୟ କଳିଯୁଗେ
ସର୍ବଜନେ ଅନୁଭବି !
ଦ୍ରୌପଦୀ ସ୍ମରଣେ କୃଷ୍ଣ ସାହାହେଲେ
ଲଜ୍ୟା କଲେ ନିବାରଣ
ମହାଭାରତର. ଏଚିତ୍ର ସମୂହ
ସୃଷ୍ଟିକରେ ଶିହରଣ !
ସୁଭଦ୍ରା ଭଗିନୀ ସ୍ନେହଁର ରଂକୁଣୀ
ସର୍ବଯୁଗେ ସୌଭାଗିନୀ
ଅର୍ଜୁନଙ୍କ ସଙ୍ଗେ ବିବାହ ବନ୍ଧନେ
ଭ୍ରାତାକୃଷ୍ଣ ଦେଲେ ଯୋଡି !
ସ୍ବୟଂ ଭଗବାନ ଶ୍ରୀକୃଷ୍ଣ ଗୋପାଳ
ଦ୍ରୌପଦୀ ସୁଭଦ୍ରା ଭ୍ରାତା
ଭଗିନୀ ସୁରକ୍ଷା ସୁମଙ୍ଗଳ ଦୀକ୍ଷା
ଯୁଗେଯୁଗେ ଅମାମୃତା !
ଆହେ ବିଶ୍ଵବାସୀ ଦେଖ ନେତ୍ର ଖୋଲି
ଶ୍ରୀମନ୍ଦିରେ ଭ୍ରାତୃଭଗ୍ନୀ
ଅନାବିଳ ସ୍ନେହଁ ଅତୁଟ ଏ'ପ୍ରେମ
&nb
sp; ସର୍ବଯୁଗେ ଉପଯୋଗି !
ପରିଭ୍ରମଣରେ ପ୍ରଭୁ ଗଲାବେଳେ
ସଙ୍ଗତେ ଯାଆନ୍ତି ଭଗ୍ନୀ
ଆହାକି ସମ୍ପର୍କ ଭାଇ ଭଉଣୀଙ୍କ
ପତ୍ନୀଲକ୍ଷ୍ମୀ ଯା'ନ୍ତି ରାଗି !
ମଙ୍ଗଳ କାମନା ଭଗ୍ନୀ କରେ ସଦା
ଭାଇର ଶୁଭ ମନାସୀ
କୋଟିଏ ଭିତରେ ଗୋଟିଏ ମୋ ଭାଇ
ଊଣା ନହଉ ତା'ଖୁସି !
ବିପଦ ଆପଦେ ଭାଇ ଧାଇଁ ଆସେ
ଆଶ୍ବାସନା ଦେବା ପାଇଁ
ଭାଇ ଭଉଣୀର . ସୁରକ୍ଷା କବଚ
ଦୁହେଁତ ଦୁହିଁଙ୍କ .ଛାଇ. !
ରେଶମି ସୂତାରେ କାଇଁଚ ମାଳିରେ
ଗୁନ୍ଥିଚିମୁଁ ଗୋଟେରାକ୍ଷୀ
ମୋ ଭାଇ ହାତେ ବାନ୍ଧିବି ସରାଗେ
ରହିବ ଜଗତ ସାକ୍ଷି !
ମୋ ସୁନା ଭଉଣୀ ଜମା କାନ୍ଦିବୁନି
ପାଖେପାଖେ ଅଛି ମୁଁରେ
ଦୁଃଖରେ ସୁଖରେ ହସରେ କାନ୍ଦରେ
ଭାଗନେବି ସବୁଥିରେ !
ଏ ରାକ୍ଷୀପୂର୍ଣ୍ଣିମା ପରବ ସଂହିତା
ଉତ୍କଳୀୟ ପରମ୍ପରା
ଭାଇ ଭଉଣୀଙ୍କ ପରବ ବିଶେଷ
ଅତୁଟ ବନ୍ଧନ ପରା !
