ରଖିବୁ ନାଆଁଟି ମୋର
ରଖିବୁ ନାଆଁଟି ମୋର
'ପାରିଜାତ' ଆଲୋ ସରଗରୁ ତୁହି
ମରତେ ପଡ଼ିଛୁ ଖସି ,
ଭଳି ଭଳି ମୋତି ଝରିପଡ଼େ ପରା
ତୁଉ ଦେଲେ ଟିକେ ହସି ।
ସୁନା ' ପରୀ ' ରୁପା ଶଶୀ ;
ତୋଅରି ହସରେ ଉଇଁଯାଏ ଜହ୍ନ
ମେଘ ଘୋଟେ ଗଲେ ରୁଷି ।
ଗେହ୍ଲା ଝିଅ ମୋର ସବୁଠୁ ସୁନ୍ଦର
ଚନ୍ଦର ଉଦିଆ ମୁହଁ ,
ଭାରି ଚୁଲୁବୁଲି ,ତୁ ଲୋ ଗୁଲୁଗୁଲି
ତୋ ସରି ଆଉ କେ ନୁହଁ ।
ଚାଲୁଥାଉ ଠୁକୁ ଠୁକୁ ;
ତୋର ଠାଣି ବାଣୀ ମନ ନିଏ କିଣି
କୁଣ୍ଢେ ମୋଟ ହୁଏ ବୁକୁ ।
ତୋତେ ନେଇ କେତେ ସପନ ଦେଖୁଛି
ହେବୁ ଦୁନିଆରେ ଜଣେ ,
ଆନ ଲୋକଙ୍କର ଆଦରଶ ସାଜି
ଚିହ୍ନା ହେବୁ କୋଣେ କୋଣେ ।
ରଖିବୁ ନାଆଁଟି ମୋର ;
ଶିକ୍ଷା,ଦୀକ୍ଷା ଆଉ ସଂସ୍କାର ଯେତେକ
ଭୂଷଣ ହୋଇବ ତୋର ।।
ବି. ନିରୁପମା
ମାମୁରିଆ, ଛେଣ୍ଡିପଦା,ଅନୁଗୋଳ ।