ରଜ ପାଇଁ ଗୀତ ପଦେ...

ବନସ୍ତେ ଡାକିଲା ଗଜ

ଭାରି ମହଙ୍ଗା ଏ ସନ ରଜ

ଏ ସନ ରଜ ଲୋ, ହବୁନାହିଁ ସଜବାଜ ।

ଆକାଶେ ଉଡଇ ବାଜ

ହୁସିଆର ରହିବୁ ଝିଅ ତୁ ଆଜ

ଝିଅ ତୁ ଆଜ ଲୋ, ଘରେ ଲୁଚିଅଛି ଅହିରାଜ ।

ଅଳତା ର ରଙ୍ଗ ଲାଲ

ଫଳ ପାକଳ ହେବାକୁ ପାଉନି ବେଳ

ପାଉନି ବେଳ ଲୋ, ବାଦୁଡି ଟା ହୁଏ କାଳ ।

ନିଛାଟିଆ ଖରାବେଳ

ପାଉଁଜି ପିନ୍ଧି ଧନ ଦୋଳି ନା ଖେଳ

ଦୋଳି ନା ଖେଳ ଲୋ, ଶୁଭୁଚି ହେଟା ହେଣ୍ଟାଳ ।

ନାହିଁ ପୋଡପିଠା ରଜପାନ

ପଞ୍ଜୁରୀରେ ଥା ଲୋ ମୋ ରଙ୍କରତନ

ରଙ୍କରତନ ଲୋ, (ଏ ) ଶ୍ମଶାନେ ଝୁଣି ଦେବେ ଚିଲ ଶ୍ବାନ।