ରଜ ଆମ ପରମ୍ପରା

ନାନାଦି ସଂସ୍କୃତିରେ

ଶୃଙ୍ଗାରମୟ ଆମ ଭୁବନ,

ବିଭିନ୍ନତା ମଧ୍ୟେ ରହିଛି 

ଏକ ମାନବିକତା ର ମନ, 

ବାରମାସେ ତେର ପର୍ବ 

ଅସଂଖ୍ୟ ନୀତି ନିୟମ, 

ତିଥି ରୀତି ସମ୍ଭାରରେ 

ପାଳନ୍ତି ପରବ ମାନ, 

ଅନେକ ଶିକ୍ଷାର ଦୀକ୍ଷା 

ମିଳେ ପାର୍ବଣ ମଧ୍ୟୁଁ, 

ପରମ୍ପରା ଚାଟଶାଳୀ ରୂପେ 

ପ୍ରତୀତ ହୁଏ ଏଥୁଁ,

ରଜ ମଉଜର ଗାଥା 

ନାରୀ ସଜକୁ ବିହାଏ, 

କୁମାରୀ ତରୁଣୀ ଟିଏ 

କୁମୁଦିନୀ ପରି ଶୋଭା ପାଏ, 

ସାତ ସୂତ୍ର ରେ ସଜାଏ 

ନିଜ ସୁଢଳ କାନ୍ତି କୁ, 

ନୂତନତା ସୌରଭ ରେ 

ଭଣେ ସେ ନିଜକୁ, 

ନୂଆ ଆଭୂଷଣ ପୁଣି 

ନୂଆ ଯତ୍ନର ରାଗ, 

ପବର ଶିଖାଇ ଦିଏ 

ସୃଷ୍ଟି କେବଳ ଦୁହିତା ର ଅଙ୍ଗ ,

ଭାତୃତ୍ୱ ବି କରି ଥାଏ 

ନାରୀର ଗୁଣ ଗାନ, 

ଅଲିଅଳି ଦୁଲଣୀକୁ 

ଖେଳାଏ ଝୁଲଣ, 

ଏହା ହିଁ ତ !

ରଜ ଦୋଳି ର ମାନ 

ଏଠି ମୁକ ରହି ସଂସ୍କୃତି ବି 

ଦିଏ ନାରୀକୁ ସମ୍ମାନ।