ରହିଥିବା ପାଖେ ପାଖେ

ସାଥୀହୋଇ ଆମେ ଚାଲିବା ଏମିତି

ହସ,କାନ୍ଦ-ସୁଖେ-ଦୁଃଖେ ,

ଜଣେ ଆନ ପାଇଁ ଭରସାଟି ହୋଇ

ରହିଥିବା ପାଖେ ପାଖେ ।

ସମୟକୁ ଆମେ ସାମନା କରିବା

ସେ ଆସୁବା ଯେଉଁ ଭାବେ ,

ସୁଖରେ ଅଧିର ବିପଦେ କାତର

ହୋଇ ପଡ଼ିବାନି କେବେ ।

ଜଣେ ଗଲେରୁଷି ଆନ ପାଖେ ଆସି

ଶରଧାରେ ବୁଝାଇବା ,

ଚଢ଼ା ଗଳାରେ କେ କଥା କହିଦେଲେ

ଆନ ତୁନି ରହିଯିବା ।

ଦୁହିଁଙ୍କ ଭିତରେ ସମସ୍ୟା ଯା' ଥିବ

ନିଜେ ଆଲୋଚନା କରି ,

ଅଧିକ ଜଟିଳ ହୋଇବା ଆଗରୁ

ସଅଳ ଯେ ଦେବା ସାରି ।

ନିଜ କରତବ୍ୟ ପାଳନ କରିବା

ଦୁହେଁ ଆମେ ମିଳିମିଶି ,

ତାହାହେଲେ ଆମ ସୁଖର ସଂସାର

ଉଠିବଟି ନିଶ୍ଚେ ହସି ।।

ବି. ନିରୁପମା

ମାମୁରିଆ, ଛେଣ୍ଡିପଦା,ଅନୁଗୋଳ ।