ରାସ ପୂର୍ଣ୍ଣିମା
ରାସ ପୂର୍ଣ୍ଣିମା
କାର୍ତ୍ତିକ ମାସର ପୂର୍ଣ୍ଣିମାର ନାମ
ରାସ ପୂର୍ଣ୍ଣିମାଟି ଇଏ
ମାସଟି ଯାକ ସେ ବ୍ରତ କରି ଶେଷେ
ଦେବ ଦରଶନ ଯାଏ ।
ଧର୍ମ ମାସ ହୁଏ ଏ ମହାକର୍ତ୍ତିକ
ଦାନ ଧର୍ମ କରେ ଯିଏ
ମାସକ ଯାକର ଯେତେ ପୂଣ୍ୟ ତାର
ଏକା ଥରେ ପାଏ ସିଏ ।
ଛଳନା କପଟୁ ଦୂରେଇ ରହି ଯେ
ସତ୍ୟ ପଥେ ଚାଲୁ ଥାଏ
ରାସ ପୂର୍ଣ୍ଣିମାରେ ବୁଡ ପକେଇ ସେ
ପୁଣ୍ୟ ଫଳ ପାଇଥାଏ ।
ରାସ ପୂର୍ଣ୍ଣିମାର ଶେଷ ପାଞ୍ଚ ଦିନ
ପଞ୍ଚୁକରେ ଖ୍ୟାତ ଥାଏ
ଏଇ ପାଞ୍ଚ ଦିନ ବଗ ବଗୁଲୀ ବି
ଆଇଁଷକୁ ଛାଡି ଦିଏ ।
ରାସ ପୂର୍ଣ୍ଣିମାରେ ପାହାନ୍ତା ପହରୁ
ଜଳାଶୟେ ବୁଡ ଦିଏ
ଆ କା ମା ବୈ ପାନ ଗୁଆ ଥୋଇ
ଡଙ୍ଗାକୁ ଭସେଇ ଥାଏ ।
ଦିନକୁ ଆଗରୁ ମହାଦେବଙ୍କର
ବଜଓଷା ହୋଇଥାଏ
ରାସ ପୂର୍ଣ୍ଣିମାରେ ଦେବ ଦରଶନ
କରି ବ୍ରତ ତା ଉଜାଏ ।
ପଞ୍ଚୁକରେ ପ୍ରଭୁ ଜଗନ୍ନାଥଙ୍କର
ପାଞ୍ଚ ଗୋଟି ବେଶ ହୁଏ
ରାଇ ଦାମୋଦର ବେଶକୁ ଦର୍ଶନ
ଭକତଟି କରି ଥାଏ ।
ଉତ୍କଳ ଗୌରବ ଐତିହ୍ୟ ସଂସ୍କୃତି
ବୋଇତ ବନ୍ଦାଣ ହୁଏ
ଧର୍ମ ପୁଣ୍ୟମୟ ଏ ରାସ ପୂର୍ଣ୍ଣିମା
ମୁକତି ପଥଟି ଇଏ ।