Participate in the 3rd Season of STORYMIRROR SCHOOLS WRITING COMPETITION - the BIGGEST Writing Competition in India for School Students & Teachers and win a 2N/3D holiday trip from Club Mahindra
Participate in the 3rd Season of STORYMIRROR SCHOOLS WRITING COMPETITION - the BIGGEST Writing Competition in India for School Students & Teachers and win a 2N/3D holiday trip from Club Mahindra

Sadananda Sahoo

Tragedy Classics Inspirational


4  

Sadananda Sahoo

Tragedy Classics Inspirational


ପୂଜ୍ଜ୍ଯାସ୍ପଦା ମାଆ

ପୂଜ୍ଜ୍ଯାସ୍ପଦା ମାଆ

1 min 352 1 min 352


 ମମତାମୟୀର କରୁଣା ଅପାର

    ସୃଷ୍ଟିର ମହକ ଧାରା ; 

ବିରଳ ତା' ସ୍ନେହ ବିରଳ ତା'ପ୍ରେମ

   ମନମୋହି ନିଏପରା  !


ମାଆର ବିକଳ୍ପ କଳ୍ପନାଅତୀତ

    ଶବଦ ନୁହଁ ମଞ୍ଜୁର. ; 

ସର୍ବଂସହା ସେଇ ନିରିମାଖି ନାରୀ

    କଣ୍ଠର ଆବେଗ ସ୍ବର. !


ଦଶମାସ କାଳ ଗର୍ଭେ କରି ଭାର

    ଯନ୍ତ୍ରଣାକୁ ସହ୍ୟ କରେ ; 

ଆହାକି ତା' ତ୍ୟାଗ ସଂସାରେ ଉତ୍ସର୍ଗ

    ସମର୍ପଣେ ନିରନ୍ତରେ !


ମାଆ ପରି କେହି ନାହିଁ ଜଗତେ

    ଭାବନାର ଅନ୍ତରାଳେ  ; 

ଦୀପଶିଖା ପରି ଦଗ୍ଧିଭୂତ ହୋଇ

   ଆଲୋକ ପରଶ ଢାଳେ  !


ଅମୃତ ବାରିଧି ମାଆ ଦିଏ ଢାଳି

   କୋମଳ ଶୈଶବ ମୁଖେ ;

ସେ'ଅମୃତ ନୀର କୋଟି ତପସ୍ୟାର

    ପାନକରି ଶିଶୁହସେ !


କୁଆଁକୁଆଁ ଶବ୍ଦ ମାଆ ଶବ୍ଦେ ନିଷ୍ଠ

   ଭୂମିଷ୍ଠ. ସନ୍ଦେଶ ବାର୍ତ୍ତା ; 

କଷଣକୁ ଭୁଲି ମାଆ ଦିଏ ହସି

   ସାଜଇ ଜଗତ ଜିତା !


ପ୍ରଥମ ଗୁରୁମା ଜନ୍ମଦାତ୍ରୀ ମାତା

   ସମର୍ପଣ କରେ ଶିକ୍ଷା ;

ତା'କଥା କୁହୁକ ଗଳପ ମାଣିକ

  ଉପଦେଶ  ମହାଦୀକ୍ଷା !


ମାଆ ଚିହ୍ନେ ପେଟ ନକରି ଆକଟ

   ମନକଥା ପାରେ ଜାଣି ; 

ଅମୃତ ମଣୋହି ପରଶି ଦିଅଇ

   ଭୋକ ଉପାସରେ ରହି !


ବାର ମାସେ ତେର ପାଳଇ. ବରତ

    ସନ୍ତାନର. ସୁଖ ପାଇଁ  ;

ସୁକଲ୍ଯାଣୀ ସାଜି ଦୁଃଖେ ଦିଏ ହସି

    ଉଦାର ହୃଦୟା ସେଇ..!


ରୋଗଶୋକ ବେଳେ ମାଆ ସେବାକରେ

    ଉଜାଗରେ ରାତି ବିତେ ;

ତା'କୁହୁକ ସ୍ପର୍ଶେ  ଉପଶମ ହୁଏ

    ସୃଷ୍ଟିର ବୈଚିତ୍ର୍ୟ ସତେ !


ଊପବାସେ ବିତେ ଦିନ ତା'ର କେତେ

     ଅଭାବ କଷଣେ ଥାଇ ; 

ଆଧାର ଯୋଗାଡେ ନିଜେ ଲାଗିପଡେ

      ଶାବକ ଉଦର ପାଇଁ  !


ଶାଶୁ ନଣନ୍ଦରେ ଘର କରିଥାଏ

   ମାଡଗାଳି ସହିସହି  ; 

ଘରକୁ ସଜାଡ଼ି ରହେ ମୁହଁ ମାଡି

   ଆହାପଦେ ସତେନାହିଁ !


ସନ୍ତାନ ସନ୍ତତି ମାଆର ସମ୍ପତ୍ତି

   ଆଖିର ସପନ ଜ୍ଯୋତି ;

ମାଆ ଜାଣିପାରେ କେ'ଅଛି ସଙ୍କଟେ

    ପଣତକୁ ଦିଏ ଢାଙ୍କି !


ଏ'ରମ୍ୟସୃଷ୍ଟିକୁ ଆଣିଛି ଆମକୁ

   କେତେବଡ଼ ତା'ର ତ୍ୟାଗ.;

ଦଶମାସ କାଳ ଗର୍ଭେକରି ଭାର

   କଷଣ କରିଛି ଭୋଗ. !


ମାଆ ପୂଜ୍ଜ୍ଯାସ୍ପଦା ସମ୍ପଦା ବୀଭବା

    ଚିରବନ୍ଦନୀୟା ସଦା ;

ଭକତି ପ୍ରଣତୀ ଦିଅହେ ଅଜାଡି

    ପାଦପଦ୍ମେ କରପୂଜା !


 ମାତୃ ଦିବସରେ ଶପଥ କରହେ

   ମାଆକୁ ଦେବାନି ଦୁଃଖ. ;

ମାଆର ସୁରକ୍ଷା କରିବା ସର୍ବଦା

   ହେବାନାହିଁ କେବେ ରୁକ୍ଷ ।


Rate this content
Log in

More oriya poem from Sadananda Sahoo

Similar oriya poem from Tragedy