ପଟି ଦିଅଁ

ମନ ବୁଝିଗଲେ ବୁଝୁନି ଆଖି 

ଆଖି ବୁଝିଗଲେ ମନ ଅସୁଖୀ 

 ଭେଟିବାକୁ ସଖା ଅଲାରନାଥ ସାକ୍ଷୀ 

ତଥାପି ବୁଝେନା ଦୁଇ ଆଖି ନିରିମାଖି 

ସେ ଅପୂର୍ବ ଠାଣି ଆଣେ ଆଖିରେ ପାଣି 

ବରଷେ ହୃଦୟେ ମନେ ପ୍ରତିଛବି ଦେଖି 

ପଟି ଦିଅଁଙ୍କୁ ଚାହିଁଲେ ଲାଗୁଛି ବାକି 

ସାତତାଳ ଗଭୀରେ ଅଛନ୍ତି ଚକାଆଖି 

ଫୁଲୁରି ମାଖି ଭଲହେଲେ ଚନ୍ଦନ ମାଖି 

ଯିବେ ମାଉସୀମାଆ ଦେଖି ପୋଡପିଠା ଚାଖି 

ଏତେ ଦିନକୁ ଚାହିଁରହିବା ସହି ହେଉନି ସଖି 

ପଞ୍ଚମ ଦୁଆର ଖୋଲି ହୃଦୟରେ ବସିଛି ମନର ପକ୍ଷୀ 

ଦେଖିବ ଜଗନ୍ନାଥ ବଳଭଦ୍ର ହଳଦୀ ସୁମୁଖୀ 

ଭକ୍ତ ସାଥେ ଭଗବାନ ନିଜେ ନିଜକୁ ଯୋଖି 

ମଣିଷ ପରିକା କର୍ମ କରନ୍ତି ଦେଖି ପରଖି 

ପଟିଦିଅଁ ହସନ୍ତି ଭକ୍ତେ ଦେଖି 

ମୁଁ ସେହି ଦିଅଁ ତୁମ ହୃଦୟେ ଯାଇଛି ମାଖି 

ତୁମେ ଯାରେ କୁହ ଚକାଆଖି 

ମୋରି ଭିତରେ ତାଙ୍କୁ ହିଁ ଦେଖି 

ବୋଲାଇବ ଶ୍ରେଷ୍ଠ ଭକ୍ତ ମାନିଗଲେ ଆଖି 

ଆଖିର ସାକ୍ଷୀ ମନର ପକ୍ଷୀ 

ମିଶିଗଲେ ଭାବ ଭକ୍ତିକୁ ଦେଖି 

ଚକାଆଖି ଭିତରେ ବାହାରେ ଭକତେ ଦେଖି 

ନବଯୌବନ ରୂପକୁ ଯୋଖି ମାଖି ଲେଖି 

ଉଡିବେ ରଥରେ ପଟିଦିଅଁ ରହିବେ ଏମିତି ଲାଖି