Library
Profile
ପ୍ରୀତିଜହ୍ନ
ପ୍ରୀତିଜହ୍ନ
ଝିପିଝିପି ବର୍ଷା ଝରୁଥିବ
ଟିପିଟିପି ତୁମେ ଚାଲୁଥିବ
ମୋର ହାତେ ହାତ ଛନ୍ଦି
ଖିଲିଖିଲି ତୁମେ ହସୁଥିବ
ଭିଜିଭିଜି ଖାଲି ବାସୁଥିବ
ପରାଣ କରି ମୋ ବନ୍ଦୀ
କଅଁଳିଆ ତୁମ ମନ
ସରମେ ନରମି ସରମିଲତା ଗୋ
ତୋଳୁଥିବ ପ୍ରୀତିଜହ୍ନ ।
ସୁଲୁସୁଲୁ ବାଆ ବହୁଥିବ
କୁଳୁକୁଳୁ ନଈ ଗାଉଥିବ
ତୁମେ ଥିବ ମୋର ସାଥେ
ଲାଜେଲାଜେ ତୁମେ କହୁଥିବ
କଣେଇକଣେଇ ଚାହୁଁଥିବ
ନୀରବ ବିଜନ ପଥେ
ସରଳିଆ ତୁମ ପ୍ରାଣ
ମୋ ସାଥିରେ ସାଥି ହୋଇ ଚାଲୁଥିଲେ
ସରିଯିବ ରାତିଦିନ ।
ତୁନିତୁନି ଜହ୍ନ ଦେଖୁଥିବ
&n
bsp; ଚୁପିଚୁପି କଇଁ ଲେଖୁଥିବ
ଆମ ପୀରତିର ଗାଥା
କଇଁକଇଁ ତୁମେ କାନ୍ଦୁଥିବ
ନଇଁନଇଁ ତୁମେ ଚାଲୁଥିବ
ଟିକେ ଟିକେ ଟେକି ମଥା
ଘର ଅଗଣାରେ ମୋର
ବାଜା ବାଜୁଥିବ ରୋଷଣି ଜଳିବ
ହୋଇବ ଯେ ବାହାଘର ।
ଲୁଚିଲୁଚି ମୋତେ ଦେଖୁଥିବ
ଥିରିଥିରି କାନେ କହୁଥିବ
ଆମ ପ୍ରଣୟର କଥା
ମିଠାମିଠା ଆମ ସପନରେ
ଭିଜିଯିବା ସଖି ଆ ଥରେ
ଦୁରକରି ସବୁ ବ୍ୟଥା
ଗଢିବା ଅମରାବତୀ
ତୁମେ ଥିବ ତହିଁ ପ୍ରୀତି ପୂଜାରିଣୀ
ମୁଁ ଗାଉଥିବି ଗୀତି ।
