ମନେ ପଡେ ମୋର
ମନେ ପଡେ ମୋର
ମନେ ପଡେ ମୋର ପିଲାଟି ଦିନର
ଅଫେରା ଅତୀତ ମୁହୁର୍ତ୍ତ ସମ୍ଭାର ।
ମହକୁଥାଏ ମୋ ମନର ଭିତରେ
ଦୁଃଖ ଶୋକ କଷ୍ଟ ଯନ୍ତ୍ରଣା କୋଳରେ ।
ଯାପିଚି ସେ ସବୁ ସମସ୍ୟା ଇତ୍ୟାଦି
ପ୍ରତିବନ୍ଧକ ଓ ତତ୍କାଳ ସମୃଦ୍ଧି ।
ଅନୁଭବ ତଥ୍ୟ ସଂଗ୍ରହ ସକଳ
ଚିତ୍ତ ବୃତ୍ତି ମୋର କରଇ ଉଦ୍ବେଳ ।
ଭରପୁର ଭାବ ଉନ୍ମାଦନା ଧରି
ମନୋରଞ୍ଜନ ସେ କେତେ ବଣ ଭୋଜି ।
କେତେ ଯେ ସଂଗ୍ରାମ ରୋମାଞ୍ଚ ସଞ୍ଚାର
କରି ସ୍ନେହ ପ୍ରେମ ଶ୍ରଦ୍ଧା ଓ ଆଦର ।
କରିବାକୁ ଶିକ୍ଷା ଦିଏ ନିତ୍ୟେ ପ୍ରାଣେ
ପୁଣ୍ୟ ସାନ୍ତ୍ଵନା ଓ ଆଶ୍ଵାସନା ବୁଣେ ।
ରୋମାଞ୍ଚ ସ୍ପନ୍ଦନ ପୁଲକ ଆହ୍ବାନ
କରଇ ପ୍ରସାର ପ୍ରେରଣା ପ୍ରଦାନ ।