ଲାଇବ୍ରେରୀ
ପ୍ରୋଫାଇଲ୍
ପ୍ରୀତି ପିୟୁଷ
ପ୍ରୀତି ପିୟୁଷ
1 min
182
ସପନ ରାଇଜେ ଘୁରି ବୁଲିଛି ମୁଁ
ବୁହାଇଛି ପ୍ରୀତି ନଦୀ
ତୁମପାଇଁ ସଖୀ ହୃଦୟ ମନ୍ଦିରେ
ସରଜିଛି ପୂଜା ବେଦୀ
ଦେବୀଟିଏ କରି ପୂଜିଛି ତୁମକୁ
ଅରପିଛି ପ୍ରୀତିଫୁଲ
ଖାଲଖମା ଭରା ଜୀବନ ରାସ୍ତାକୁ
କରିଛି ମୁଁ ସମତୁଲ
ରାତିର ଅନ୍ଧାରେ ହଜିଛି ମୁଁ କେତେ
ପ୍ରୀତିର ପିୟୁଷ ପିଇ
ହଜାଇ ନିଜକୁ ଖୋଜି ମୁଁ ପାଇନି
ବୁହାଇଛି ଲୁହ ନଈ
ତଥାପି ଭାଙ୍ଗିନି ସପନ ସଉଧ
ପର ହୋଇନାହିଁ ଜହ୍ନ
ଏବେ ବି ଭିଜୁଛି ପ୍ରୀତିର ମଯ଼ୂଖେ
ଛଳଛଳ ମୋର ମନ
