ପ୍ରୀତି କଣ ଜାଣିଲି

ଯେବେ ତୁମକୁ ଦେଖିଲି,

ଯୌବନ କଣ ଜାଣିଲି,

ପ୍ରୀତି କଣ ଜାଣିଲି,

ଜୀବନ କଣ ଜାଣିଲି !

ତୁମ କଥା ଭାବିଲି,

ନୂଆ ଦୁନିଆ ଦେଖିଲି,

ପ୍ରେମର ଗୀତ ଗାଇଲି,

ଅଭିନବ ଅନୁଭବ ପାଇଲି !

ତୁମକୁ ଯେବେ ଜାଣିଲି,

ନିଜ ପୂରକ ପାଇଲି,

ସୁନ୍ଦର ସପନ ବୁଣିଲି,

ଆଶାର ଫୁଲ ଗୁନ୍ଥିଲି !

ତୁମ ଚନ୍ଦ୍ରକାନ୍ତ ଆଖି ଦେଖିଲି,

ଅଲୌକିକ ଆଲୋକ ଦେଖିଲି,

ମନରେ ସ୍ପନ୍ଦନ ସାନନ୍ଦ ଶୁଣିଲି,

ଅଧରରୁ ଅନୁରାଗ ଜଣାଇଲି !

ଅଭୁଲା ଆନନ ଦେଖିଲି,

ଚିନ୍ତନ ମନନ କରିଲି,

ମାନସରେ ମନ୍ଥନ କରିଲି,

ଅନୁରକ୍ତି ଅଭିବ୍ଯକ୍ତ କରିଲି !

ନୂତନ ଅଳଙ୍କାର ଅନୁଭବ ପାଇଲି,

ନବଜାତ ଝଙ୍କାରର ଗୁଞ୍ଜନ ଶୁଣିଲି,

ନବତନ ପ୍ରେମପ୍ରପଞ୍ଚରେ ପହଞ୍ଚିଲି ,

ସୁଖପ୍ରଦ ନବଜାତ ଜାବନ ସାଜିଲି !