ପରିଚୟ କାହିଁକି ଖୋଜିବା?

ଆସେ ମୁଁ ଯେବେ ଏ ଦର୍ପଣ ସାମନାରେ

ସେବେ ପ୍ରଶ୍ନ ଆସେ ମୋର ମନ ଭିତରେ |୧|

ମୁଁ କିଏ, କାହିଁକି ଆସିଛି ଏଇ ସମାଜକୁ

ନିଜର ପରିଚୟ ଜାଣିନି, ଦେବି କାହାକୁ |୨|

ମୁଁ ବାରମ୍ବାର ପ୍ରଶ୍ନ କରିଛି ପରା ନିଜକୁ

ଖୋଜିବାରେ ବ୍ୟସ୍ତ ସଦା ସର୍ବଦା ନିଜକୁ |୩|

ସମୁଦ୍ରରେ ବୁଡି ରହିଥିବା ଏକ ମୋତିକୁ

କାହିଁକି ଖୋଜୁଛି, ପାଇବି କି ତାହାକୁ ? |୪|

ଭୁଲି ଯାଇଛେ ତ ମଣିଷତ୍ୱର ମହତ୍ୱକୁ

ତେବେ କିଆଁ ଖୋଜିବି ମୋର ପରିଚୟକୁ |୫|

ଲୁପ୍ତ ହୋଇ ଯାଇଥିବା ମାନବିକତାକୁ

କାହିଁକି ଖୋଜୁଛି, ପାଇବି କି ତାହାକୁ ? |୬|

ଭାବେ ପରିଚୟ ଅଭାବେ ବଇଆ ନୋହିବା

ଆନନ୍ଦରେ ଏଇ ଜୀବନକୁ ଚାଲ କଟାଇବା |୭|