Library
Profile
ପରିବେଶ
ପରିବେଶ
ଆମ ଚତୁଃପାର୍ଶ୍ବ ଯାହା ଘେରି ଅଛି
ତାହା ଆମ ପରିବେଶ
ସ୍ବଚ୍ଛ ଓ ନିର୍ମଳ ସର୍ବଦା ରଖିବା
ମୁଖେ ଫୁଟାଇବା ହସ ।
ଅନାବନା ଗଛ ଲଟା ବୁଦା କାଟି
ଗଛ ଲଗାଇବା ଆମେ
ଗଛଟି ଆମର ଅଟଇ ଜୀବନ
ଲାଗିଥିବା ତାର କାମେ ।
ସୁରକ୍ଷା ବି ଦେବା ଯତ୍ନ ତାର ନେବା
ଜଗୁଥିବା ଜଣେ ଜଣେ
ପ୍ରକୃତି ସୌନ୍ଦର୍ଯ୍ଯ ଏଇତ ଜଗତ
ହସଥିବ ପ୍ରତିକ୍ଷଣେ ।
ନାଳ ନର୍ଦ୍ଦମାକୁ ପୋତି ଆମେ ଦେବା
ଜନ୍ମ ହେବେ ନାହିଁ ମଶା
ମୂଷା ମାଛି ଠାରୁ ଦୂରେ ନ ରହିଲେ
ଭୋଗିବା ନିଶ୍ଚେ ଦୁର୍ଦ୍ଦଶା ।
ଆମ ପରିବେଶ ଆମରି ପୃଥିବୀ
ଆମେ ତ ଭାରତବାସୀ
ସ୍ବଚ୍ଛ ପରିବେଶେ ସର୍ବଦା ରହିବା
ବଞ୍ଚୁଥିବା ହସି ହସି ।
ତା ପାଣି ପବନେ ଏଇତ ଶରୀର
ହେଇଛି ଆମର ଗଢା
ତାର ଫୁଲ ଫଳ ନିର୍ଝରିଣୀ ଜଳ
ଖାଇ କଥା କହୁ ଚଢା ।
ହେଲେ ନିଜ ସ୍ୱାର୍ଥ ପାଇଁ ଆଜି ଆମେ
ଦୂଷିତ କରୁ ତା ଗାତ୍ର
ନଦୀ, ପୁଷ୍କରଣୀ ନିର୍ମଳ ନ ରଖି
କରୁଅଛୁ ଅପବିତ୍ର ।
ନାଳ ନର୍ଦ୍ଦମାର ଦୂଷିତ ଜଳକୁ
ତା ଦେହରେ ଛାଡୁ ଅଛୁ
କଳକାରଖାନା ଆବର୍ଜନା ପାଣି
ଛାଡି ବିପଦ ଡାକୁଛି ।
ସେଇ ଜଳ ସବୁ ଜୀବ ଜନ୍ତୁ ପିଇ
ହେଉଛନ୍ତି ରୋଗାକ୍ରାନ୍ତ
ବିଭିନ୍ନ ରୋଗରେ ଏଇତ ମାନବ
ହେଉଛି ପୁଣି ଆକ୍ରାନ୍ତ ।
ଜଳ, ସ୍ଥଳ, ବାୟୁ, ଆକାଶ, ପୃଥିବୀ
ପ୍ରତି ଦେଉନାହିଁ ଧ୍ୟାନ
ସୁସ୍ଥ ପରିବେଶ ରହିଲେ ଆମର
ହସିବ ସିନା ଜୀବନ ।
ଏଣେ ତେଣେ ମଳ ତ୍ୟାଗ କରନ୍ତୁନି
ପାଇଖାନା ବ୍ୟବହାର
କହିବନି ଆଉ ପାଇଖାନା ଆମକୁ
ଦେବେ ଆମ ସରକାର ।
ବରଷା ଯୁଆଡେ ଛତା ବି ସିଆଡେ
ଭରସା ନାହିଁ କାହାକୁ
ନିଜ ପରିବେଶ ସୁରକ୍ଷା ରଖିଣ
ସୁରକ୍ଷା ରଖ ନିଜକୁ ।
ସର୍କାରଙ୍କର ସୁବିଧା ସୁଯୋଗ
ସମସ୍ତଙ୍କ ପାଇଁ ନୁହେଁ
ନିରୀହ ଜନତା ଲୁହରେ ଭିଜୁଛି
ସବୁ ଗାଆଁ କଥା କହେ ।
କାହାକୁ ନିର୍ଭର ନ କରିଣ ନିଜେ
ଭଲ ରଖ ପରିବେଶ
ଭଲ ପରିବେଶ ସୁଖ ଶାନ୍ତି ଦିଏ
ଦିଅଇ ଆତ୍ମ ସନ୍ତୋଷ ।
