ପରିବେଶ ସଙ୍କଟ
ପରିବେଶ ସଙ୍କଟ
ବଢାଉଛି ଚିନ୍ତା ଅଦିନିଆ ବାତ୍ୟା
ଓଡ଼ିଶାର ପାଣିପାଗ
ନଭେମ୍ବର ଶେଷ ଛାଡୁନି ଗରମ
ଉଭାନ ହୋଇଛି ଶୀତ ।
ବୃଦ୍ଧି ପାଉଅଛି ଅଙ୍ଗାରକ ଅମ୍ଳ
ଉତ୍ତପ୍ତ ବାୟୁମଣ୍ଡଳ
ବଢୁଛି ଅବଧି ଗ୍ରୀଷମ ପ୍ରକୋପ
ତାପମାତ୍ରା ଅସମ୍ଭାଳ ।
ବରଷେ ପ୍ରବଳ ସ୍ୱଳପ ସମୟେ
ଅଦିନେ ଫାଟେ ବାଦଲ
ଜଳବାୟୁ ପାଗ ନୁହେଁ ସ୍ୱାଭାବିକ
ଉଚ୍ଛନ୍ନ ହୁଏ ସଙ୍ଗୀନ ।
ଦୂଷିତ କରୁଛି ଆମ ପରିବେଶ
ଶିଳ୍ପ କଳ କାରଖାନା
ଅବାରିତ ବଢେ ଯନ୍ତ୍ର ଇ-ସାମଗ୍ରୀ
ବ୍ୟବହାର ଆବର୍ଜନା ।
ଖଣିଜ ଖନନ ବୃକ୍ଷ ଅବକ୍ଷୟ
ରାସ୍ତାଘାଟ ବିନିର୍ମାଣ
ତାପଜ ବିଦ୍ୟୁତ ଯାନ ଓ ବାହନ
ବୃଦ୍ଧିକରେ ପ୍ରଦୂଷଣ ।
ବେଳ ଥାଉଁ ସର୍ବେ ନହେଲେ ସଚେତ
ଆସିବ ସଙ୍କଟ ମାଡି
ବିନାଶକୁ ଆମେ କରିବା ଆହ୍ୱାନ
ଭୋଗିବେ ଆଗାମୀ ପିଢ଼ି ।
ସବୁଜ ବଳୟ ନୂତନ ଜଙ୍ଗଲ
ବ୍ୟାପକ ବୃକ୍ଷରୋପଣ
ନଦୀ ପୁଷ୍କରିଣୀ ଜଳାଶୟ ଉତ୍ସ
ଉନ୍ନୟନ ସ°ରକ୍ଷଣ ।
ହେଉ ସୁଚିନ୍ତିତ ଯୋଜନା ପ୍ରସ୍ତୁତ
ରାଜ୍ୟ ମଫସଲ ନଗ୍ରେ
ଜନ ସହଯୋଗ ସହଭାଗୀତାରେ
ଚାଲୁ କାର୍ଯ୍ୟ ଅବିଳମ୍ବେ ।