ପ୍ରେମରେ ପ୍ରେମରେ

ଜୀବନ ଟା ଅଟେ ଏକ ବାଲିଘର

   ଅଧାରୁ ଭାଙ୍ଗିଲା ମୋ ସ୍ବପ୍ନ ର ଘର

ଶୁଆ ଶାରୀ ପରି ଯୋଡ଼ି ବାନ୍ଧି ଥିଲେ

   ଡୋରି କୁ ଛିଡେଇ ଚାଲିଗଲ ଦୂରେ ।

ପ୍ରେମ ଶବ୍ଦଟି ଦୁଇଟି ଅକ୍ଷର

    ଏହାର ମହତ୍ତ୍ଵ କେତେ ଯେ ଗହୀର

ପ୍ରଥମ ଦେଖାରେ ପ୍ରେମ ତ କରିଲ

   ଆଖିରେ ଆଖିରେ ହୃଦୟ ଜିଣିଲ ।

ପ୍ରେମ ନିବେଦନ କାଗଜେ କରିଲ

   ଉତ୍ତର ପାଇଁ କି ପାଗଳ ସାଜିଲ

 ନିରବତା ଭାଙ୍ଗି ହଁ ଟିଏ କଲି

   ବନ୍ଧନ ପାଇଁ କି ପ୍ରତିଶ୍ରୁତି ଦେଲି ।

 ପ୍ରେମ ପକ୍ଷୀ ହୋଇ ଆକାଶେ ଉଡିଲେ

    ସ୍ବପ୍ନ ର ମହଲ ଗଢି ତ ଚାଲିଲେ

ଜୀବନ ଯାତ୍ରା ରେ ଛନ୍ଦିଣ ହୋଇଲେ

   ପ୍ରେମ ର ଆନନ୍ଦ ସାଉଁଟି ଘାଣ୍ଟିଲେ ।

 ଜୀବନ ସତ୍ୟ ରେ ତୁମେ ଭାସି ଗଲ

    ଅଧା ବାଟରେ ମୋ ହାତକୁ ଛାଡ଼ିଲ

ଆମ ପ୍ରେମ କାହାଣୀ କୁ ସାଉଁଟି ଚାଲିଛି

   ହୃଦୟ ପେଡ଼ି ରେ ସଜାଇ ରଖୁଛି ।