ସାଥି

ସାଥି ତୁମେ ମୋ ମନ ଫୁଲ ବଗିଚାର

ପ୍ରୀତି ଝରା ମଧୁ, ତୁମ ସ୍ପର୍ଶରେ ସତେ 

ମୁଁ ପାଲଟି ଯାଇଛି, କୋଟି ଆଲୋକର ଇନ୍ଦୁ|

ସାଥି ତୁମେ, ମୋ ମନର ପ୍ରଥମ ପ୍ରେମରେ 

ଗାଇଥିବା ପ୍ରଥମ ପ୍ରେମଗୀତି ତୁମ ସାଙ୍ଗେ 

ପ୍ରୀତି ନୁହେଁ, ମୋର ଚୋରା ଚଇତି |

ସାଥି ତୁମେ ମୋ ଜୀବନେ ଭରି ଅଛ 

ପାରିଜାତ ଫୁଲର ସୁଗନ୍ଧ, ଆଉ 

ତା ସହିତ ମିଠା ମିଠା ଗୀତ ଆଉ ଛନ୍ଦ |

ସାଥି ତୁମେ ମୋ ଜୀବନେ ଭରିଛି 

ଜୋଛନା  ଠାରୁ ବି ଶୀତଳ ସ୍ପର୍ଶର ଅନୁଭବ 

ତୁମ ପ୍ରେମପ୍ରୀତିର ପ୍ରତେକ ଶବ୍ଦ ମୋ ପାଇଁ ଦୁର୍ଲ୍ଲଭ  |

ସାଥି ହୋଇ ବଞ୍ଚିବା ଆମେ ଯୁଗ ଯୁଗକୁ 

ପ୍ରେମ ପ୍ରୀତି ଆମ ଯୋଡ଼ିଛି, ପରା ଦୁଇ ମନକୁ 

ଦୁଇ ମନ ଏକ ହେଲେ, ଗୋଟେ ପ୍ରାଣ ହୁଏ |

ସାଥି ତୁମେ କଥା ଦିଅ, ରହିଥିବ ହୋଇ ସାଥି 

ମୋର, ସବୁ ଜନ୍ମରେ, ବର୍ଷ ପରେ ବର୍ଷ ଦିବା ନିଶି 

ଦିନ ଦଣ୍ଡ ମାସ, ତୁମ ପ୍ରୀତିର ସ୍ପର୍ଶ ରହୁ ନିରନ୍ତରେ |