Exclusive FREE session on RIG VEDA for you, Register now!
Exclusive FREE session on RIG VEDA for you, Register now!

Anita Dash

Abstract Romance Others


3  

Anita Dash

Abstract Romance Others


ପ୍ରିୟାକୁ ପତର

ପ୍ରିୟାକୁ ପତର

1 min 8 1 min 8

ପରଜାପତି ମୋ ପତରଟି ନେଇ

ପ୍ରିୟାର ସହରେ ଯିବୁ,

ଫୁଲେଇ ପ୍ରିୟା ମୋ ଫୁଲଠୁ ସୁନ୍ଦର

ତା କୋମଳ ହାତେ ଦେବୁ। [୧]

ସରମି ଲତିକା, କୁସୁମ କାଲିକା,

ସୁନ୍ଦର ସରଳ ମନ,

ଛନ୍ଦ କପଟ ତା ପାଖ ମାଡ଼ିନାହିଁ

ଆମୂଲ ମୂଲ ମୋ ଧନ । [୨]

ହୃଦ କାଗଜରେ, ମନ କଲମରେ

ଲୁହର ସିହାଇ ଭରି,

ସେନେହର ଭାଷା ସଜେଇ ଲେଖିଛି

ପତର ପ୍ରିୟାକୁ ମୋରି। [୩]

"ଅନ୍ତର ଭିତରେ ସରାଗେ ଥାପିଛି

ତୁମ ଅପରୂପା ଛବି ,

ଅସରନ୍ତି ପ୍ରୀତି ମମତା ଫୁଲରେ

ଶେଯ ସଜେଇଛି ଭାବି। [୪]

ମିଠା ସମ୍ପର୍କର ଅଖଣ୍ଡ ଦୀପାଳି

ବିଶ୍ୱାସ ତଇଳେ ଜାଳି,

ଦିବାନିଶି ତୁମ ଭାବନାରେ ଭାସେ

ପାଶେ ଆସ ଗଳାମାଳି । [୫]

ଏକାନ୍ତ ଚିତ୍ତମୋ, ଛଳନାଠୁ ଦୂର

ନୁହେଁ ମୁଁ q ଅମନଯୋଗୀ,

ତୁମ ପୀରତିରେ ହୋଇଥିବି ବନ୍ଧା

ସାତ ଜନମର ଲାଗି । [୬]

ହୃଦୟେଶ୍ୱରୀ ଗୋ! ତୁମ କଥା ହେଜି

କଷଣକୁ ପିଏ ହସି,

ତୁମ ପ୍ରତିଶୃତି ପାଇଲେ ହୁଅନ୍ତି

ସଂସାରେ ସବୁଠୁ ଖୁସି"। [୭]


Rate this content
Log in

More oriya poem from Anita Dash

Similar oriya poem from Abstract