ପ୍ରେମିକା ମୋହର

ତୁମେ ଯେବେ ନିଅ ଟାଣି

କୁହ ଯଦି ମିଠା ପଦୁଟିଏ

ଅନେକ ଦିନର 

ବାକି କଥା ସବୁ ଲମ୍ବିଯାଏ

କାଶ୍ମୀରରୁ କୁମାରୀକା ଯାଏଁ ।

ତଥାପି

ସରେନା ଆମର ସେ କଥା

ଗୋଟିଏ ପରେ ଗୋଟିଏ

ଜୀବନର କାହାଣୀ

ମହୁ ଭଲି ଝରି ଆସେ

ତୁମ ରକ୍ତିମ ଓଠରୁ ।

ତୁମର କୁମାରୀ ଜୀବନରୁ

ଶ୍ରୀମତୀ ହେବା ପର୍ଯ୍ୟନ୍ତ

ଗପି ଚାଲ ସବୁ

ତୁମ ଅତୀତର ଗାଥା ।

ମୁଁ

ଆଜି ବି ଭୁଲି ନାହିଁ

ସମୁଦ୍ରର ବାଲୁକା ଶଯ୍ୟାର

ପ୍ରଥମ କାହାଣୀ 

ତମେ ଯେତେବେଳେ କହୁଥିଲ

ତମ କୋଳରେ ମଥା ରଖି

ମୁଁ ତୁମର ଉଷ୍ମତାକୁ

ମୋ ହୃଦୟର କମ୍ପନରେ

ଖାଲି ମାପୁଥିଲି ।

ଘରେ ଫେରି ଜଣାଇଲି

ମୋ ବୋଉ କହିଲା,

"ସୁନା ନାକି ବୋହୁ"

ନନା କହିଲେ,

"ଲକ୍ଷ୍ମୀବନ୍ତୀ କନ୍ୟା"

ଭାଇ କହିଲା,

"ସୀତା ପରି ଭାଉଜ"

କିନ୍ତୁ

ମୁଁ କହେ,

"ପ୍ରେମିକା ମୋହର"