ଜାଗରେ ଉକ୍ତଳ ସନ୍ତାନ

     

ଜାଗରେ ଜାଗରେ ଉକ୍ତଳ ସନ୍ତାନ,

ମା ତୋର ଦୀନ, 

     ଅବସ୍ଥା ତା ହୀନ,

ଟେକରେ ତାହାର ସମ୍ମାନ ।

ପୂରୁବ ପୁରୁଷ,

     ଅରଜିଣ ଯଶ,

ବଢାଇଲେ ତାର ଗୌରବ,

ବୀର ଖାରାବେଳ,

     ଯଯାତିକେଶରୀ,

କେତେ କେତେ ରାଜ ବିଭବ,

ତୁ ଜନମି ଏ ଦେଶ ହୀନ । ଜାଗରେ....

ମଧୂସୁଦନଙ୍କ,

     ଜାତୀୟ ଗୀତି,

ଗୋପବନ୍ଧୁ ପରି ଦେଶ ସେବକ,

ଗଙ୍ଗାଧରଙ୍କର,

     ପ୍ରକୃତି ରଚନା,

ଗୋଦାବରୀଶ ସଂସ୍କାରକ,

ପ୍ରଚାରିତ ହେଲା ଗ୍ରାମେ ଗ୍ରାମେ

ବୁଝିପାରିଲା ନି ଏ ଜନ । ଜାଗରେ....

ସ୍ଵାର୍ଥ ତ୍ୟାଗ କରି,

     ବଢାଅ କିରତି,

ସେବା କର ତୁହି ପତିତ,

ଗୌରବ ବଢିବ,

     ସମ୍ମାନ ବଢିବ,

ବଢ଼ିବରେ ମାନ ମହତ,

ବଢାଅ ତୋ ସେବା ମନ । ଜାଗରେ....