ପୁର୍ନବିଚାର

ମୋ ମନର ବିସ୍ତୀର୍ଣ୍ଣ ଆକାଶରେ

ଭିଜା ଭିଜା ବାଦଲର ବର୍ଷା

ଖାଲି ଖାଲି ମନରେ

ଅନେକ ଅନେକ ପିପାସା

ଆଶା ଅସୁମାରୀ

ଦୌଡ଼ିବାକୁ ଲାଗେ

ମନପବନ ଘୋଡାରେ ।

ମରି ମରି ଯାଉଥିବା 

ଅମାନିଆ ମନଟାକୁ

ସାଉଁଟି ଆଣିବା ପାଇଁ

କେହି ଜଣେ ନାହିଁ 

ଖାଲି ଆସନ୍ତି ସ୍ବାର୍ଥ ଲାଳସାରେ

ଯୌବନର ଯୁପକାଠି

ବନପୋଡି ସଦୃଶ୍ୟ

ଜଳିଯାଏ ଅଜଣା ନିଆଁରେ।

ହଠାତ୍ ପୁଣି 

କାହାର କୋମଳ ସ୍ପର୍ଶ

ଅଜଣା ଅଜଣା ଲାଗେ

ପୁଲକିତ କରେ ତନୁ ମନ

ଅର୍ଦ୍ଧ ଦଗ୍ଧ ଅଭିଳାଷ

ପୁଣି ଚେଇଁ ଉଠେ ।

ପୁନଶ୍ଚ ଜୀବିତ କରେ

ମୋର ଆତ୍ମାର ପ୍ରତିଟି

କୋଣ ଅନୁକୋଣରେ

ମୋର ଆତ୍ମ ପ୍ରତ୍ୟୟକୁ

ମତେ ଲାଗେ

ଯାଦୁକରୀର ଯାଦୁରେ

ଏହା ପ୍ରହେଳିକା

ପୁର୍ନବିଚାରର ଅବା ବିଭୀଷିକା ।