ମୋ ଦେଶ

     

କାହ୍ନା ଆମର      ଭାବିଲା ବସି 

     ଟିକି ଚଢ଼େଇ ହେବି,

ଦୂର ଦେଶକୁ       ଯିବି ମୁଁ ଉଡି

     ମୋ ଦେଶ ଗୀତି ନେବି ।

ନୂଆଁ ଦେଶରେ     ମୋ ଦେଶ କଥା

      ଶୁଣାଇ କାଳେ କାଳେ,

ଜଣାଇ ଦେବି      ମୋ ଦେଶ ଭଲ

      ଏଇ ଆକାଶ ତଳେ ।

ମୋ ଦେଶ ପୂଜେ     ଜଗତନାଥ

        ଯୀଶୁ, ଆଲ୍ଳା, ବୁଦ୍ଧ,

କୌଣାର୍କର        କାରୁକାର୍ଯ୍ୟ

      ଭୂବନେଶ୍ବର ସୌଦ୍ଧ ।

ଉତ୍ତର ଦେଶେ       ହିମାଳୟଟି

      ମୁକୁଟ ପରି ଶୋହେ,

ଦକ୍ଷିଣ ଦିଗେ       ମୋ ଦେଶ ପାଦ

       ହିନ୍ଦୁ ସାଗର ଧୁଏ ।

ଆରବସାଗର       ପଶ୍ଚିମଦିଗେ

        ପଣତ କାନି ସିଏ,

ପୂର୍ବ ଦିଗରେ        ବଙ୍ଗୋପ ପାଣି

      ଶୀତଳ ବାଆ ଦିଏ ।

କଟି ଦେଶରେ         ବିନ୍ଧ୍ୟ ବନ

        ଅଣ୍ଟା ପାତିଆ ପରି,

ଗଙ୍ଗା, ଯମୁନା,       ମହାନଦୀ

       କ୍ରିଷ୍ଣା, ଗୋଦାବରୀ ।

ସଭିଏଁ ମିଶି        ଜଣାଇଥାନ୍ତି

       କୁଳୁରୁ କୁଳୁ ନାଦ,

ମୋ ଦେଶ ଥରେ     ଦେଖିବ ଆସ

        ଚାଲିଛି ସାମ୍ୟବାଦ ।