ପ୍ରେମ

ଅଢ଼େଇ ଅକ୍ଷର ଶବ୍ଦର ସାରାଂଶ 

କିଏ ଅବା ଏଠି ପାରିଛି ଜାଣି 

ବିତି ଯାଏ ଦିନ ସରି ଯାଏ ରାତି 

ଅସମାପ୍ତ ରହେ ପ୍ରେମ କାହାଣୀ !

ଜୀବନ ଯୌବନ ଯନ୍ତ୍ରଣା ମରଣ 

ତା' ସହ ମିଶେ କିଛି ହର୍ଷୋଲ୍ଲାସ 

କାହା ଲାଗି ସାଜେ ସୁଖର ସଂସାର 

କାହା ଗଳାରେ ହୁଏ ନାଗ ଫାଶ !

କେବେ ପରିବାର କେବେ ସହଚର 

କେବେ ଅଜଣା ଲୋକର ବନ୍ଧନ 

ଅନେକ ରୂପରେ ପ୍ରେମ ମିଳେ ଏଠି 

କିନ୍ତୁ ସରେନି ପ୍ରେମର ସନ୍ଧାନ I 

ପ୍ରେମ ଖୋଜି ଦିନେ ନର ହୁଏ କ୍ଳାନ୍ତ 

ସେ ଯଦି ବୁଝେନି ଈଶ୍ଵର ପ୍ରେମ 

କଲେ ସମର୍ପଣ ଈଶ୍ଵରଙ୍କୁ ମନ 

ପାଏ ସେ ମୁକ୍ତି ସରେ ତା'ର ଭ୍ରମ I