ପ୍ରେମ ଚିଠି
ପ୍ରେମ ଚିଠି
ସାହସ ହେଉନି ଏତେ ବଡ଼ କଥା
କେମିତି କହିବି ଆସି
କହିପାରେ ନାହିଁ ଭଲପାଏ ବୋଲି
ଜୀବନ ଠୁ ତୋତେ ବେଶି ।
ସେଥିପାଇଁ ଆଜି ସାହସ ଜୁଟାଇ
ଲେଖୁଛି ମୁଁ ପ୍ରେମଚିଠି
ମୋ ମନ କାଗଜ ସଫେଦ ପୃଷ୍ଠାରେ
ପ୍ରେମରଙ୍ଗ ଟିକେ ମାଠି ।
ଭାବୁଛି ଅଳପ ହସୁଛି ମୁଁ ବେଶି
ମନେ ଭାଳି ତୋ'ରି କଥା
ସ୍ମୃତିକୁ ସାଉଁଟି ଜାବୁଡି ଧରିଛି
ସ୍ବପ୍ନ ଶେଜେ ରଖି ମଥା ।
କାଗଜଟେ ବୋଲି ଭାବିବୁନି ପ୍ରିୟା
ପଢ଼ି ମୋର ପ୍ରେମ ଚିଠି
ଚିଠି ନୁହେଁ ସେତ ମୋ ମନ ଗହନେ
ପ୍ରେମବୋଳା ଅଠାକାଠି ।
ମୋ ପ୍ରେମ ସନ୍ତକ ସେ କାଗଜ ଚିଠି
ଚିରିବୁନି କେବେ ପ୍ରିୟା
ପ୍ରୀତି ଚୁମ୍ବନରେ ସଦା ଚୁମୁଥିବୁ
ଲଗାଇ ପ୍ରେମର ମାୟା ।
ପ୍ରେମ ଆଳାପରେ ଭାବକୁ ପଖାଳି
ଦେଉଥିବୁ ଟିକେ ହସି
ଚିଠିର ଉତ୍ତର ଚିଠିରେ ଲେଖିବୁ
ଭାବନା ରାଇଜେ ଭାସି ।