କବିତା ପର୍ବ : (ଅତିରିକ୍ତ) ଗୀତି-କବିତା-57 : ତାରା : -ଡକ୍ଟର କୃତ୍ତିବାସ ନାୟକ

ତାରାହୋଇ ତୁମେ ଦେଖା ଦିଅନାହିଁ ତମସା ଭରା ଜୀବନେ,

ଅତୀତକୁ ମୋର ଖୋଲି ଦିଅନାହିଁ-ଝୁରିମରେ ମନେ ମନେ | (ଘୋଷା)

ବସନ୍ତ ଆସିଲେ ଛୁଇଁ ଯାଅନାହିଁ ମଳୟ ମରୁତ ହୋଇ,

ଅଜାଣତେ ମୋତେ ଛାଡ଼ି ଯାଅନାହିଁ ଶିଶିରେ ଭିଜେଇ ଦେଇ |

ଶରତର ନୀଳ କାଚକେନ୍ଦୁ ଜଳେ ଦେଖା ଦେବନି ସପନେ,

ତାରାହୋଇ ତୁମେ ଦେଖା ଦିଅନାହିଁ ତମସା ଭରା ଜୀବନେ | (1)

ଶୀତ ସକାଳର କାକର ପରଶ ଛୁଆଇଁ ଦେବନି ମୋତେ,

ବଇଶାଖୀ ତୁମେ ଜାଳି ଦିଅନାହିଁ ଜଳି ସାରିଛି ମୁଁ ସତେ |

ବରଷା ରାତ୍ରିରେ ଶ୍ରାବଣୀ ଗୋ ତୁମେ ପକାଇବ ନାହିଁ ମନେ,

ତାରାହୋଇ ତୁମେ ଦେଖା ଦିଅନାହିଁ ତମସା ଭରା ଜୀବନେ | (2)