ଲାଇବ୍ରେରୀ
ପ୍ରୋଫାଇଲ୍
ଶୀର୍ଷକ : ତୁମ ଅପେକ୍ଷା ରେ
ଶୀର୍ଷକ : ତୁମ ଅପେକ୍ଷା ରେ
1 min
241
ମଥାରେ ସିନ୍ଦୁର
ଆଖିରେ କଜଳ
ନାଇ ତୁ ଆସିବୁ କେବେ
ସାଇତି ରଖିଛି
ମନ ସିନ୍ଦୁକ ମୁଁ
ଲୁଚେଇ ରଖିବି ତତେ....!!
ପାଦରେ ଅଳତା
ପାଉଁଜି ରୁଣୁ ଝୁଣୁ କେତେ
ପାଦ ଚିପି ଚିପି
ଆସିବୁ ଆଉ ତୁ କେବେ
ମନ ଏରୁଣ୍ଡି ରେ ପାଦ ଦବୁ
ଅଳତା ର ପାଦ ଛବି ମୋ ଘରେ..!!
ସ୍ବପ୍ନ ରେ ଆସିକି
ଦେଖା ଦେଇ ଚାଲି ଯାଉ
ମନ କୁ ମୋ ଦୋହଲାଈ ଦେଇ
ସତରେ ଆସିବୁନା
ମିଛରେ ଖେଳୁଛୁ ଲୁଚକାଳି....!!
ସଜାଡି ରଖିଛି
ସୁନ୍ଦର ଘରଟିଏ
ତୁଳସୀ ରଖିଛି ଅଗଣା ରେ
ଆସିଲେ ପୂଜା କରିବୁ
ନୀତି ସକାଳୁ ଆଉ ସନ୍ଧ୍ୟାରେ..!!
ମୋ ଘର ମୁରୁଜ ବେସ୍ତ ହେଲାଣି
ତୁ କେବେ ଆସିବୁ କହ ଥରେ
ତୋ ହାତ ର ଛୁଆଁ ପାଇବା ପାଇଁ
ଅପେକ୍ଷା ମୁଁ ଏଇ ଘରେ...!!
ମୋ ଘର ଠାକୁରାଣୀ
ରାଗିକି ବସିଛି
ତୋ ଆସିବା ବିଳମ୍ବ ହେଲାଣି
ତୁ ମୋ ଘରକୁ ଆସିବାରେ...!!
ମୋ ଘର ସଞ୍ଜ ସଳିତା
ତୋ ବାଟକୁ ଚାହିଁଛି
ତୁ ଆସିଲେ ଜଳିବୁ ବୋଲି
ରହିଛି ତୋ ଅପେକ୍ଷା ରେ.....
