କବିତା ପର୍ବ : ଗୀତି-କବିତା-17 : ତୁମେ : -ଡକ୍ଟର କୃତ୍ତିବାସ ନାୟକ
କବିତା ପର୍ବ : ଗୀତି-କବିତା-17 : ତୁମେ : -ଡକ୍ଟର କୃତ୍ତିବାସ ନାୟକ
ମୋ ମନରେ ତୁମେ ଭରିଲ ବିଶ୍ଵାସ ଦେଇ ପୂରା ଅଧିକାର,
ତୁମରି ଛୁଆଁରେ ତୁଟିଗଲା ମୋର ସଞ୍ଚିତ ଅହଂକାର |(0)
ଜୀବନଟା ଥିଲା ବଇଶାଖୀ ଖରା ସୀମାହୀନ ମରୁବାଲି ,
ତୁମରି ପରଶେ ବହିଲା ଶୀତଳ ବାଆ ଚୋରା ଚଇତାଳି |
ମନ ଆକାଶେ ମୋ ଜହ୍ନ ଉଇଁ ଆସେ ଦୂରକରି ଅନ୍ଧକାର |
ମୋ ମନରେ ତୁମେ ଭରିଲ ବିଶ୍ଵାସ ଦେଇ ପୂରା ଅଧିକାର | (1)
ବ୍ୟଥା ଯେତେ ମୋର ହୋଇଲା କବିତା ଦେଖୁଛି ମିଠା ସପନ,
ଅସଜଡ଼ା ମନ ଦେଇଛ ସଜାଡ଼ି ପିଣ୍ଡରେ ଭରି ଜୀବନ |
ତୁମ ବିନା ସିନା ମୋର ମନ-ପ୍ରାଣ ହୋଇଥା'ନ୍ତା ହାହାକାର |
ମୋ ମନରେ ତୁମେ ଭରିଲ ବିଶ୍ଵାସ ଦେଇ ପୂରା ଅଧିକାର | (2)