ପ୍ରେମ ଅନ୍ଧ !

ପ୍ରେମ ଅନ୍ଧ !

କେବଳ ଶୁଣିଛି

ଉପଲବ୍ଧି କରିବାର ସାହସ ,

କେବେ କରିନି ।

ମୁଁ ଯେବେ ମାତ୍ତୃତ୍ୱ ଲାଭ କଲି 

ମୁଁ ପ୍ରେମ କରିବା ଶିଖିଲି 

ଅନ୍ଧ ଭାବେ , 

କାହାକୁ ନିଜର ଭାବିବା ,

କାହାକୁ ଧାରଣ କରିବା,

ସ୍ୱାର୍ଥ ରହିତ ହେଇ ।

କାହାକୁ ନିଜଠୁ ଅଧିକ

ଭଲପାଇବା ଶିଖିଲି ।

ହଁ ମୁଁ ଯେତେବେଳେ ମାଆ ହେଲି 

ମୁଁ ପ୍ରେମ କରିବା ଶିଖିଲି 

ଶାଶ୍ୱତ ବାତ୍ସଲ୍ୟ ମୟୀ ଭାବରେ 

ନିଜ ଭିତରେ ବଢୁଥିବା ମୁଁ 

ମୋତେ ହିଁ ଭଲ ପାଉଥିଲି ।

ଏହା କଣ ବାସ୍ତବ ନୁହେଁ ?

ହଁ ମୁଁ ମୋତେ ହିଁ ଭଲ ପାଉଥିଲି 

ମୋ' ର ଅଜନ୍ମା ଶରୀର କୁ 

ମୋ ଆତ୍ମା ର ଅଭିନ୍ନ ଅଂଶ କୁ 

ଅନ୍ଧ ଭାବେ ........

ମଣିଷ ନିଜକୁ ହିଁ ପ୍ରେମ କରେ 

କିନ୍ତୁ ଭିନ୍ନ ରୂପରେ ....

ନିଜକୁ ଭଲ ପାଇବା ,

କେବଳ ନିଜକୁ ପ୍ରେମ କରିବା 

କଣ ସ୍ୱାର୍ଥପରତା ?

ତାହା ନୁହେଁ ।

ନିଜକୁ ଭଲ ପାଇବା ର 

ଏକ ମାଧ୍ୟମ ମାତ୍ର ,

ନିଜ ସନ୍ତାନ .......।