Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Bharatabandhu Biswal

Classics Inspirational Others

4  

Bharatabandhu Biswal

Classics Inspirational Others

ପ୍ରାର୍ଥନା

ପ୍ରାର୍ଥନା

1 min
343



ହେ ଚିନ୍ତାମଣି ଜଗତ କରତା

   ସ୍ନାନ ମଣ୍ଡପରେ ବିଜେ

ଶୂନ୍ୟ ବଡ଼ଦାଣ୍ଡ ଭକତ ଆକୁଳ

   ଦରଶନ ଆଶେ ଖୋଜେ ।

ପବିତ୍ର ଦୁର୍ଲଭ ଗଜାନନ ବେଶ

  ଚତୁର୍ଦ୍ଧାମୂରତି ରୂପ

ଥାଇ ବଡଦାଣ୍ଡେ ସ୍ମରୁଛି ଭକତ

  କରୁଅଛି ମନସ୍ତାପ ।

ପ୍ରାର୍ଥନା ଶକତି ଧାର୍ମିକ ଶରଧା

 ପତିତର ରାମବାଣ

ଅସାର ଜୀବନେ ପାବନ ପ୍ରଶାନ୍ତି

  ଆନନ୍ଦ କରେ ପ୍ରଦାନ ।

ଦୀନବନ୍ଧୁ ତୁମେ ଜୀବନ ମରୁରେ

  ସୁନ୍ଦର ମରୁ ଉଦ୍ୟାନ

ତୁମେ ଜୀବନର ଉଦ୍ଦେଶ୍ୟ ଉଦ୍ଦିଷ୍ଟ

  ପୂର୍ଣ୍ଣ ସ୍ୱାସ୍ଥ୍ୟ ପୂର୍ଣ୍ଣ ଜ୍ଞାନ ।

ତୁମେ ସମ୍ପନ୍ନ ତା ଆଗ୍ରହ ଉତ୍ସାହ

  ପ୍ରଖର ଉଲ୍ଲାସ ଉତ୍ସ

ରୋଗ ଦୁଃଖ ଋଣ ବଢି ଦୁର୍ବିପାକ

 ତୁମ ଆଜ୍ଞା ରେ ଅବଦମିତ ।

ଘୋର ଅନିଶ୍ଚିତ ନିର୍ମମ ନିଷ୍ଠୁର

 ଜୀବନେ ନାସ୍ତିକ ଜ୍ଞାନ

ମଝି ଦରିଆରେ ବୁଡିଯାଏ ଭେଳା

 ରକ୍ଷା କର ଭଗବାନ ।

ଅନିଶ୍ଚିତ ପ୍ରଶ୍ନ ଅଜ୍ଞାନ ଜିଜ୍ଞାସା

 ଭୟ ଚିନ୍ତା ଉଦ୍ ବେଗ

ତୁମରି କୃପାରୁ ହେଉ ଚିର ଧୌତ

 ସଞ୍ଚରୁ ଆଶା ଉତ୍ସାହ ।

ଅଦଭୁତ ତୁମ ବଡ଼ ଚକାଡୋଳା

 ଦୁର୍ବାର ତା ଆକର୍ଷଣ

ଅଧ୍ୟାତ୍ମ ଶରଧା ସନାତନ ନିତ୍ୟ

 କରେ ଜୀବନ ଜୟଗାନ ।

କର ନାହିଁ ଊଣା କରୁଣା ନିଧାନ

 ଭକତି ଭାବରୁ ଦୂର

ପର୦ବ୍ରହ୍ମ ତୁମେ ସନ୍ତୋଷ ସମ୍ପନ୍ନ

 ପ୍ରାଣୀଙ୍କ ତାରଣହାର ।

ଜୀବନ ଯଦି ସତ୍ୟ ଆଧାରିତ

 ନୁହେଁ ଭ୍ରାନ୍ତି ନିରର୍ଥକ

ଦୂର ହେଉ ଭୟ ରୋଗ ଦୁଃଖ କଷ୍ଟ

 ହେ ପ୍ରଭୁ ବିଶ୍ଵ ପାଳକ ।।



Rate this content
Log in