ପଲ୍ଲୀଗୀତି କବିତା-୯୨

ତୋତେ କିଏ କଲା ଏତେ ସରି,

ଲୋ ସୁକୁମାରୀ, କିଏ କଲା ଏତେ ସରି ?

କେଇଦିନ ତଳେ ଥିଲୁ ତୁ ସୁନ୍ଦରୀ,

ତୋତେ ଦେଖି କେତେ ହେଉଥିଲେ ଝୁରି |

କହୁଥିଲେ କେତେ ପ୍ରେମକରି ଥରେ ଯାଆନ୍ତି ତୋ କୋଳେ ମରି |

ଲୋ ସୁକୁମାରୀ | (ଘୋଷା)

କେଉଁ ଚୋର ତୋର ମନ କଲା ଚୋରୀ ?

ନେଇଗଲା ତୋର ସୁନାହାତ ଧରି |

ଚାରି ବରଷରେ ଚାରିଟି ସନ୍ତାନ -

ଆସିଛୁ ସାଥିରେ ଧରି |

ଲୋ ସୁକୁମାରୀ, କିଏ କଲା ଏତେ ସରି |(1)

ପୁଳାଏ ମାଉଁସ ନାହିଁ ତୋ ଗାଲରେ,

ଆଖି ଲୁଚିଲାଣି କୋରଡ଼ ଖାଲରେ |

ତୋର ଏହି ରୂପ ଦେଖି ମୁଁ ଭାବୁଛି ଜୀବନ ଦିଅନ୍ତି ହାରି |

ଲୋ ସୁକୁମାରୀ, କିଏ କଲା ଏତେ ସରି ? (2)