ପଇସା

ଶୁଣ ଶୁଣ ଭାଇ କହିବା ପଇସା କଥା 

ପଇସା ନଥିଲେ ମନକୁ ଲାଗଇ ବ୍ଯଥା ।

ପଇସା ରହିଲେ ହୋଇଥାଏ ସବୁ କାମ,

ପଇସା ନଥିଲେ ସବୁ ଅଖ ଚକ ଜାମ୍ ।

ପଇସାର ବଡ ଭାଇ ଟଙ୍କା ଯେ ଅଟଇ

ଟଙ୍କା ଥିଲେ ହାତେ କୋଟି ଆଦର ମିଳଇ ।

ମାଆ କରୁଥାଏ କୋଟି ଆଦର ପୁଅକୁ

ବାପା କରେ ପୁଣି ଶତ ପ୍ରଶଂସା ତାହାକୁ

ଭାରିଜା କରଇ ପ୍ରୀତି ସମ୍ଭାଷଣ ରଙ୍ଗେ

ଘର ସ୍ବର୍ଗପୁରୀ ଲାଗେ ପଇସାର ସଙ୍ଗେ ।

ପଇସା ନଥିଲେ ପାଶେ କଥା ବଦଳଇ

ଦୁନିଆ ଯାକର ନିନ୍ଦା ସଦା ମିଳୁଥାଇ।

ସମସ୍ତେ କରନ୍ତି ନିନ୍ଦା ମାତା ନିନ୍ଦା କରେ,

ପତ୍ନୀର ଗାଳିରେ ସ୍ଵାମୀ ଜୀଇଁ ଥାଉଁ ମରେ ।

ଟଙ୍କା ଥିଲେ ରାଜନେତା ଜିତେ ନିର୍ବାଚନ 

ନିର୍ବାଚିତ ହେଲା ପରେ ନିଏ କମିଶନ ।

ଧାଇଁଛ ପଇସା ପଛେ ଶୁଣ ମୋର କଥା,

ମଣିଷ ପଣିଆ ଯିବ ପାଉଥିବ ବ୍ଯଥା ।

ପଇସାର ମୋହ ଠାରୁ ବହୁ ଦୂରେ ରୁହ,

ପ୍ରଭୁ ପାଦେ ଧ୍ଯାନ ରଖି ବଇକୁଣ୍ଠ ପାଅ ।