ମୁଁ ଓଡ଼ିଆ

ତୋରି ପାଣି, ପବନ ଓ ମାଟିରେ

ଏ ଶରୀର ମୋର ଗଢା

ତୋରି ନିର୍ମିତ ବିଦ୍ୟାଳୟରେ

ସାରିଛି ମୁଁ ମୋ ପଢ଼ା । ୧

ତୁ ଦେଇଥିବା ସଂସ୍କାର ନେଇ

ବୁଲୁଛି ଦେଶ ବିଦେଶ

ଧୀରେ ଧୀରେ ଭୁଲି ଯାଉଛି

ମୁଁ ଓଡିଶା ମାଟିର ଭେଷ । ୨

ଲାଗୁଛି ଦୁଃଖ, ଭାବୁଛି ଯେବେ

ରହି ପାରୁନି ବୋଲି ଓଡିଶା ରେ

ଅନ୍ୟ ରାଜ୍ୟର ଲୋକଙ୍କୁ ଦେଖି

ଜଳୁଥାଏ ମୁଁ ଇର୍ଷା ରେ । ୩

ଏତେ ପ୍ରାଚୀନ ହୋଇ ଭି ତୁ

ରଖି ପାରୁନୁ ତୋ ଛୁଆ କୁ ତୋ ପାଖରେ

କଣ ହେବ ଏତେ ମାଟି ତଳ ଧନ ଥାଇ

ଯେବେ ତୋ ଛୁଆ ଲୋଟୁଛନ୍ତି

ବାରଦାଣ୍ଡ ଶୁଣ୍ଡି ପିଣ୍ଡାରେ । ୪

ଧୀରେ ଧୀରେ ହଜି ଗଲାଣି

ସ୍ୱାଭିମାନ ଓ ଅଭିମାନ

ଆଉ ଓଡ଼ିଆ ବାସି ଶିଖି ଗଲେଣି

କଳା, ଆପଣେଇବାର ଅପମାନ । ୫

ମୁଁ ଓଡ଼ିଆ ମୁଁ ଓଡ଼ିଆ କହି

କାନ୍ଦି ପକାଏ ମନ ଭିତରେ

ଦୁନିଆ କୁ ଦେଖେଇବାକୁ

ଲେଖୁଥାଏ, ଓଡ଼ିଆ ବୋଲି ମୁଁ ଗରବରେ । ୬