ପିଲାମାନେ
ପିଲାମାନେ
ନୂଆ ପୋଷାକର ସୁଖ ମନେ ପଡେ
ବିଦାରି ବସିଲେ ସେ ପିଲାଦିନ I
ହେଉ ଯେଉଁ ପୂଜା ହେଉ ଯେଉଁ ପର୍ବ
ପିଲାଙ୍କ ବିନା ଥିଲା ରଙ୍ଗହୀନ I
ପିଲାମାନେ ଥିଲେ ଗାଆଁ ଦାଣ୍ଡ ଭାସେ
ହସ କୌତୁକ ଆଉ କୋଳାହଳେ
ପିଲାଙ୍କର ଲାଗି ଜୀବନର ଅର୍ଥ
ବୟୋବୃଦ୍ଧଙ୍କୁ ଶେଷ କାଳେ ମିଳେ I
ହେଉ ଯେଉଁ ଯୁଗ ହେଉ ଯେଉଁ ସ୍ଥାନ
ପିଲାଙ୍କ ମହତ ରହିଛି ସଦା
ଆଜିର ଯୁବକ ଥିଲେ ଦିନେ ପିଲା
ଦିନେ ପିଲା ଥିଲେ ଆଜିର ବୃଦ୍ଧା I
ଥାଉ ଯେତେ ଧନ ମିଳୁ ଯେତେ ଜ୍ଞାନ
ପିଲାଙ୍କ ବିନା ଅକ୍ଷମ ଜଗତ
ପିଲାମାନେ ପରା ସମାଜର ଆଶା
ସଂସାରର ଅଟନ୍ତି ଭବିଷ୍ୟତ I
ପିଲାମାନେ ଯେବେ ସତ୍ୟ ପଥେ ଥିବେ
ବଢିବ ଦିନେ ଦେଶର ଗୌରବ
ପିଲାଙ୍କର ତେଣୁ ଚରିତ୍ରରେ ଭରୁ
ଦେଶ ଲାଗି ପ୍ରେମ ଜ୍ଞାନ ସୌରଭ I