ଗୁରୁ ଦିବସ
ଗୁରୁ ଦିବସ
ଗୁରୁ ବ୍ରହ୍ମl ବିଷ୍ଣୁ ଗୁରୁ ମହେଶ୍ୱର
ହେ ସତ୍ୟ ଶିବ ସୁନ୍ଦର
ଅଜ୍ଞାନ ଅନ୍ଧାରୁ ଜ୍ଞାନର ସୁପଥେ
ଘେନି ପ୍ରଭୁ ପାରିକର l
ଶ୍ରୀକୃଷ୍ଣ ଙ୍କ ଗୁରୁ ଥିଲେ ସାନ୍ଦୀପନି
ଉପମନ୍ୟୁ ଗୁରୁ ଧୋମ୍ୟ
ଭୀଷ୍ମ ଆଉ କର୍ଣ୍ଣଙ୍କର ଗୁରୁ ଥିଲେ
ମହାବଳି ପର୍ଶୁରାମ l
ଶ୍ରୀରାମଙ୍କ ଗୁରୁ ବଶିଷ୍ଠ ମୁନୀ ଯେ
ଗୁରୁଙ୍କ ମଧ୍ୟରେ ସାର
ହରିଶ୍ଚନ୍ଦ୍ର ଙ୍କର ଗୁରୁ ବିଶ୍ଵାମିତ୍ର
ରଖିଲେ ଯଶ ଶିଷ୍ୟର l
ଛଳରେ ଗୁରୁଙ୍କ ଠାରୁ ବିଦ୍ୟା ଶିକ୍ଷା
କରିଥିଲେ ବୋଲି କର୍ଣ୍ଣ
ଅନ୍ତିମ ସମୟେ ସେଇ ଶିକ୍ଷା ତାଙ୍କ
ବିସ୍ମରି ହାରିଲେ ପ୍ରାଣ l
ଶିବାଜୀଙ୍କ ଗୁରୁ ଥିଲେ ରାମଦାସ
ଇତିହାସେ ଶ୍ରେଷ୍ଠ ଗୁରୁ
ବିବେକାନନ୍ଦଙ୍କ ଗୁରୁ ରାମକୃଷ୍ଣ
ତାରିଲେ ଭବସାଗରୁ l
ଆହେ ଗୁରୁ ତୁମେ ମଙ୍ଗଳମୟ
ଯେ ଲଭେ ତୁମ ଆଶିଷ
ଏ ଭବ ସାଗର ପାରି ହୋଇଯାଏ
ବୋଲାଏ ସେ ଶ୍ରେଷ୍ଠ ଶିଷ୍ୟ l
ଆଜ ସର୍ବପଲ୍ଲୀ ରାଧାକୃଷ୍ଣଙ୍କର
ଅଟଇ ଜନମ ଦିନ
ଗୁରୁଦିବସର ମାନ୍ୟ ଦେଇ ପାଳୁ
ତାଙ୍କ ଚରଣେ ପ୍ରଣାମ l